JM De Guzman crush na crush si Donnalyn Bartolome, hirit ng netizens: ‘Lagyan na ng label yarn!’
PHOTO: Instagram/@1migueldeguzman
MARAMING netizens ang kilig na kilig sa latest post ng aktor na si JM De Guzman.
Paano ba naman kasi ay halos ipagsigawan na niya sa social media na may crush siya sa actress-vlogger na si Donnalyn Bartolome.
Ibinandera mismo ng actor ang selfie picture ni Donnalyn na tila walang makeup.
Kalakip din niyan ang caption na, “#crush” at nilagyan pa ng smiling face with heart eyes emoji.
View this post on Instagram
Napa-comment sa nasabing post ang maraming netizens at hindi na napigilan ang pagkakilig sa dalawang celebrities.
“At tinapos na nga po ni anteh donnalyn ang pila [laughing emoji],” sey ng isang nag-comment.
Lahad pa ng isang IG user, “Ay lagyan na ng label yan! [red heart emojis].”
May nagsabi pa na, “Wala na, finish na! finlex na ‘yung baby niya [red heart emoji].”
Kamakailan lamang ay may inamin ang aktor tungkol sa kanyang lovelife.
Hindi niya ito pinangalanan, pero sinabi niya na may kinaaadikan daw siya.
Ibinunyag pa niya na kasalukuyan niya itong nililigawan at isang taon na raw niyang sinusuyo.
Paliwanag pa niya kung bakit niya nagustuhan ang bago niyang love.
“Tinuturuan niya ako kung paano magmahal nang maayos. Sobrang inspiring siya na tao,” sey niya.
Matatandaan noong Oktubre ng nakaraang taon nang unang umamin si JM na may gusto siya kay Donnalyn.
“May gusto ako sa kanya. Isa niya akong tagahanga. Nanliligaw? Sana, nagpaparamdam,” ang pahayag ni JM sa dating panayam.
Related Chika:
JM 5 taon nang single, umamin kung bakit ayaw pang magkadyowa
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.