Karen Davila proud na ipinakilala si Kaladkaren bilang Star Patroller: ‘Ang aking kakambal, para akong nakatingin sa salamin’
Kaladkaren at Karen Davila
IN FAIRNESS, marami ang natuwa at naaliw sa pagiging Star Patroller ni Kaladkaren sa news program ng ABS-CBN na “TV Patrol” kagabi, April 17.
Bagay na bagay din daw ang proud member ng LGBTQIA+ community sa nasabing Kapamilya show tulad ng mga naunang celebrity guest “Star Patroller.”
Marami nga ang nag-suggest sa management na maging semi-regular na sa “TV Patrol” si Kaladkaren dahil bukod sa magaling na ito ay masarap din daw panoorin at pakinggan ang TV and movie personality.
Kahit nga ang ini-impersonate niyang si Karen Davila na isa sa mga news anchor ng “TV Patrol” ay na-amaze sa galing niya bilang Star Patroller.
Ang pagpapakilala ni Karen sa kanyang impersonator, “Isa pong karangalan na makasama po natin dito sa ‘TV Patrol’ ang ating guest Star Patroller ngayong gabi, ang aking kakambal, para akong nakatingin sa salamin.”
View this post on Instagram
Patuloy pa niyang paglalarawan kay Kaladkaren, “Hindi kami magka-birthday pero magkadamit kami ngayon, magkabuhok, magkamukha, magkatono at parang trabaho ko, gusto na niya.”
Ang tila hiyang-hiyang reaksyon naman ni Kaladkaren, “Huwag naman po.”
Baka Bet Mo: Kaladkaren: Sabi nila ’15 minutes of fame mo lang ‘yan, hanggang diyan ka na lang, hindi ka sisikat’
“Parang ganoon ang dating eh,” ang hirit pang biro ni Karen.
Todo pasalamat naman si KaladKaren sa ABS-CBN sa ibinigay na chance sa kanya para maging bahagi ng “TV Patrol”. Papuri pa niya kay Karen, “You look beautiful tonight.”
View this post on Instagram
“I’m so happy you’re here,” sagot naman ni Karen sa nagwaging best supporting actress sa katatapos lamang na 1st Summer Metro Manila Film Festival Gabi Ng Parangal para sa pelikulang “Here Comes The Groom”.
“Thank you very much for the opportunity,” mensahe pa ni KaladKaren.
“I’m looking at the mirror pero mas payat ka, reflection,” sey naman ni Karen sa kanya.
Unang nakilala si Kaladkaren o Jervi Li sa tunay na buhay sa panggagaya kay Karen Davila. Isa rin siya sa umupong judge para sa LGBTQIA reality competition series na “Drag Race Philippines” season 1.
Kaladkaren sinagot ang tanong ng netizen na, ‘May p*k* na po ba kayo?’
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.