Park Seo-joon ‘spotted’ sa unang pasilip ng ‘The Marvels’

PHOTO: Screengrab from YouTube/Marvel Entertainment

MARAMING K-drama fans ang kinilig at nasabik matapos makita ang South Korean actor na si Park Seo-joon sa teaser trailer ng upcoming film ng Marvel, ang “The Marvels.”

As of this writing ay pang-number eight na sa trending videos ng YouTube ang nasabing pasilip na kaka-upload lang nitong April 12.

Mapapanood sa video ang mabilis na eksena ni Seo-joon kasama ang mga bida ng pelikula na sina Brie Larson at Samuel L. Jackson.

Kapansin-pansin sa teaser ng Marvel Entertainment ang mahabang buhok at kakaibang look ng Korean actor.

Wala pang kumpirmasyon kung ano ang magiging karakter mismo ni Seo-joon, pero may bali-balita na gaganap siya bilang si “Prince Yan,” ang love interest ni Captain Marvel.

Baka Bet Mo: Lovi pak na pak bilang ‘Wave’ ng Marvel Universe; executive producer na rin ng Hollywood movie na ‘The Room’

Ang “The Marvels” ay nakatakdang ipalabas sa November 10.

Kung matatandaan, una nang kinumpirma ng Korean media outlet na Soompi noong nakaraang taon na isa si Seo-joon sa mga bagong aabangan pagdating sa Marvel Cinematic Universe.

Siya ang ikatlong Korean actor na nakasama sa Marvel movie.

Ang mga nauna na sa kanya ay si Claudia Kim na kasama sa “Avengers: Age of Ultron,” at si Ma Dong Seok na nasa “Eternals.”

Bukod sa MCU film, sunod-sunod din ang mga bagong Korean movies na pagbibidahan ni Seo-joon.

Kabilang na riyan ang “Dream” kasama ang singer-actress na si IU, “Concrete Utopia” with Lee Byung-hun, at ang “Gyeongseong Creature” kasama sina Han So-hee at Wi Ha-joon.

Sikat si Seo-joon sa kanyang pagganap sa ilang hit K-dramas kagaya ng “Itaewon Class,” “What’s Wrong With Secretary Kim,” “Fight For My Way,” “Hwarang,” at “She Was Pretty.”

Related Chika:

Isko Moreno sa pagtatapat ng ‘Yorme’ at ‘Eternals’ ng Marvel: Malaking challenge, pero…

Ogie Diaz sinagot si Jeffrey Oh: As far as we know, walang imbitasyon mula sa Marvel