Liza Soberano inalok mag-audition bilang Mary Jane sa ‘Spiderman’, hindi pinayagan ng dating management?
ISA nga ba sa naging dahilan ng aktres na si Liza Soberano para lumipat ng bagong management ay matapos itong pagbawalang mag-audition para sa character ni Mary Jane sa “Spiderman: Homecoming”?
Isiniwalat kasi ng Careless CEO na si Jeffrey Oh sa 2nd Philippine Creative Industries Summit na nagkaroon raw ng offer noon sa dalaga na mag-audition para sa Marvel character ngunit hindi raw siya pinayagan dahil sa kontrata nito sa ABS-CBN.
“They reached out to her (Liza Soberano) to audition [for the role of] Mary Jane, one of the most iconic characters. And she was not allowed because she had to do the same thing she was always doing,” saad ng Careless CEO.
Aniya, kung natuloy lang sana ang dalaga na gampanan ang karakter ni “Mary Jane” ay paniguradong malaking tulong ito sa Philippine entertainment industry.
“Imagine a Filipina actress was one of the biggest Marvel movies in history. Imagine, she (Liza) was Mary Jane, what that would do for Philippine entertainment. She could’ve been representing our country all over the world. There are other stars in the same situation,” dagdag pa niya.
Matatandaang bago pa man mapunta sa pangangalaga ng Careless ang aktres ay si Ogie Diaz ang tumayong talent manager nito ng mahigit isang dekada.
Baka Bet Mo: Liza Soberano inatake ng matinding takot nang ma-red tag; mas naging maingat sa pakikialam sa politika
Ngunit marami sa mga netizens ang agad na nag-react patungkol sa statement ng Careless CEO dahil tila nalilito na ang lahat sa kwento.
Nauna na kasing linawin ni Liza noong 2016 na hindi totoo ang offer sa kanya sa Marvel movie at ang mga supporters lang nita ang may bet na mag-audition siya sa role ni Mary Jane.
“It’s not really an invitation. I think it was what the fans wanted lang, fans of Marvel. I think one of them is Pinay and parang she tweeted that, parang kung merong magiging Mary Jane Watson, she would want it to be me.
“All my fans started retweeting it and everything but wala naman po talagang invitation,” paglilinaw ni Liza.
View this post on Instagram
Tanong ng netizens: Ano na ba talaga ang totoo?
Related Chika:
Isko Moreno sa pagtatapat ng ‘Yorme’ at ‘Eternals’ ng Marvel: Malaking challenge, pero…
Banat ni Cristy Fermin kay Liza Soberano: ‘Wala kang utang na loob, hindi ka Pilipino!’
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.