JK Labajo hinding-hindi magpapadirek kay Darryl Yap: ‘I don’t want to work with him’
JK Labajo at Darryl Yap
WALANG pag-aalinlangan at walang kagatul-gatol ang sagot ni JK Labajo nang matanong siya kung willing siyang magpadirek sa controversial director na si Darryl Yap.
“No, I definitely don’t want to be directed by Darryl Yap. I don’t want to work with him.”
‘Yan ang walang takot na sabi ni JK sa premiere night ng “Ako Si Ninoy” na ginawa sa Rockwell Cinema last weekend.
Of course, may follow-up question. He was asked kung bakit hindi niya type makatrabaho si direk Darryl Yap.
“Because…ayoko nang sabihin,” pahayag niya.
Natanong din si JK about his reaction sa tatlong movies na may political color, ang “Ako Si Ninoy”, “Oras de Peligro” and “Martyr or Murderer”.
“Feeling ko, there’s a hidden sort of film war going on. Honestly, at the same time, basta gawa lang tayo ng movie. Masaya na ‘yun,” say niya.
“We all have the freedom when it comes to making art but I am not really sure if I have a positive opinion when it comes to changing history,” dagdag pa niya.
View this post on Instagram
Pero kung pinapalitan ang historical facts, aniya, ay iba na ‘yun.
“That’s definitely something else,” say niya. “But at the end of the day, we’re just making a film, following what’s on the books of what we learned in school.”
Of late ay sobrang nagustuhan ni JK ang paggawa ng pelikula at sa ngayon ay nasa backseat muna ang paggawa ng music.
“Baka nga tumigil ako sa music this time. Actually, balak kong maglabas ng album for this year. Nae-enjoy ko ‘yung pag-acting. Dati kasi, na-burnout ako sa acting. Ngayon naman, medyo lie low sa music tapos focus sa acting,” paliwanag niya.
Sa napanood naming movie ay ang galing-galing ni JK. Talagang bagay sa kanya ang role bilang Ninoy Aquino.
May isang eksena kung saan talagang nagmarka ang actor. This was this scene in the movie wherein nasa kulungan siya. Madrama ang eksena at kuhang-kuha niya ang nuances ng kanyang role.
Written and directed by “Katips” director Atty. Vince Tañada, “Ako Si Ninoy” also stars Sarah Holmes, Johnrey Rivas, Marlo Mortel, Cassy Legazpi, Joaquin Domagoso, Vean Olmedo, Nicole Laurel Asensio, JM Yosures, Bodjie Pascua, Jim Paredes, Pinky Amador, Lovely Rivero, Tuesday Vargas, Donita Nose, Sarah Javier, John Gabriel, Brylle Mondejar, Sharmaine Suarez and Lance Raymundo.
JK Labajo nag-react kay Dingdong Dantes: Sir, linya ko po yan…
JK Labajo kay Maureen Wroblewitz: Ikaw pa rin ang Miss Universe ko
JK Labajo may patutsada nga ba sa ex-girlfriend na si Maureen Wroblewitz?
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.