Panganay nina Robin at Mariel na si Isabella mukhang papasukin na rin ang showbiz, payagan kaya nina mommy at daddy?
Mariel Rodriguez, Robin Padilla, Isabella at Gabriella Padilla
MUKHANG papasukin na rin ng panganay na anak nina Sen. Robinhood Carino Padilla at Mariel Rodriquez na si Maria Isabella ang showbiz.
Napaka-graceful sumayaw ng bagets sa awiting “Bloody Mary” ni Lady Gaga na ipinost ni Mariel sa kanyang Instagram account kamakailan.
Ginaya ni Isabella ang dance steps ni Jeanna Ortega sa kantang “Goo Goo” ng The Cramps na gumanap bilang si Wednesday sa comedy horror series na napapanood ngayon sa Netflix.
Umani ng papuri ang bagets mula sa mga netizens na nagsabing siya na ang next rock star ng kanyang henerasyon at pwedeng-pwede nang sumabak sa showbiz.
Sinasabayan pa ni Mariel ang anak sa pagsayaw sa likod at mukhang si Sen. Robin naman ang kumukuha ng video.
Yes, kasama ang tatay Robin nina Isabella at Gabriella sa kanilang Australia at Japan trip na hindi lang pino-post ang mga larawang kasama siya dahil moment ito ng kanyang mag-iina.
View this post on Instagram
Nagpadala kami ng mensahe kay Mariel through Instagram kung papayagan nilang mag-asawang pasukin ni Isabella ang showbiz pero hindi pa kami sinasagot.
Nitong unang araw ng 2023 ay ipinost ni Mariel ang larawan ng mga anak habang nasa snow at ang maganda nilang tahanan doon.
“First day of 2023 my snow babies! proud of you girls!!! Good job!!!! I have a little skier and a little sledder haha. Staying warm and cozy making beautiful memories with my girls,” aniya sa caption.
Narito ang mga komentong nabasa namin mula sa mga kaibigan nina Mariel at Robin sa showbiz.
Mula kay RR Enriquez, “Hahaha Ma, infer kay Isabela may galaw at pitik ha. Grabe parang kuhang-kuha nya talaga kakikayan mo.”
Sinagot naman siya ni Mariel ng, “Hahahaha. Mini-me ko yan.”
Sabi naman ni Alex Gonzaga, “Cute.”
Ang komento naman ng maybahay ni dating DPWH Secretary Mark Villar na si @emaglipayvillar, “I’ll take you up on that offer!”
Komento ng aktres na si Ciara Sotto, “Ang cuuuuuuuuute!!! (laughing face with hearts and clapping hands emojis). I love this Mhie!”
Sabi ni LJ Moreno, “Love this!!! Super cute nyo!”
Mula sa follower ni Mariel na si @beeyuncs, “Eto na ang stop the rock era!”
Sabi ni @littlejecka, “Cutiiiieee! Naramdaman ko ‘yung hilo mo ate Ma! Hehehe.”
Puring-puri rin ni @marlette09 ang bagets, “Galing ni Isabella emote na emote! At Si Mariel singer na dancer pa!”
Robin muling nakasama si Mariel, 2 anak sa Spain; susulitin ang bakasyon bago sumabak sa senado
Kuh Ledesma inaming nagka-bipolar disorder si Isabella: ‘Ganito na ba ang anak ko forever?’
Robin miss na miss na ang 2 anak; hindi kinain ang ‘half-cooked red meat’
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.