Ellen Adarna sa 46th birthday ni Derek Ramsay: My one and only…
PHOTO: Instagram/@ramsayderek07
MATAMIS ang naging pagbati ng aktres na si Ellen Adarna para sa 46th birthday ng kanyang mister na si Derek Ramsay.
Sa isang Instagram post ay ibinandera ni Ellen ang ilang litrato ng bakasyon nilang dalawa.
Saad sa caption ni Ellen para kay Derek, “Happy 46 years to the love of my life, my one and only GOR (red heart emoji) you may not look your age…but, you’re sooo mature (laughing emoji) i love you sooo much (red heart emoji) i hope you play well today”
View this post on Instagram
Napa-comment at bumati rin ng maligayang kaarawan ang ilang kapwa-celebrities gaya nina Iza Calzado, Jessy Mendiola, Vina Morales, at marami pang iba.
Bukod pa riyan ay may kasunod na isa pang IG post ang aktres na kasama naman ng couple ang anak ni Ellen na si Elias.
Naka-group hug ang tatlo at caption ni Ellen, “We love you so much birthday boi (red heart emoji)”
View this post on Instagram
Nag-reply naman diyan ang aktor at sinabi niyang, “I love you guys.”
At siyempre, hindi pa rin exempted si Derek sa mga prank ni Ellen na nabiktima nanaman ng kalokohan ng aktres sa araw ng kanyang birthday.
Sa hiwalay na post ay ipinakita ng aktres ang kwelang video na kung saan ay nagulat nanaman ang kanyang mister sa ginawang prank.
Caption pa ni Ellen, “My Bday Gift (rat emoji) a mickey mouse and a head massage right after (kiss emoji)”
View this post on Instagram
Kamakailan lang ay muling ikinasal ang dalawa sa Peru kasabay ng kanilang first wedding anniversary.
Noong Pebrero ng nakaraang taon lamang ay kinumpirma ng dalawa na may namamagitan sa kanilang dalawa.
Matapos ang isang buwan ay nag-propose na ng kasal si Derek kay Ellen at noong November 2021 ay ikinasal na ang dalawa sa Bataan.
Related chika:
Ellen Adarna, Derek Ramsay muling nagpakasal: ‘Thank you for changing my life…’
Ellen Adarna muntik ma-hack ang FB, may mensahe sa hacker: ‘Nice try’
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.