Shaina Magdayao 25 years na sa showbiz: Inabot ng 25, akalain mo yun?!
PHOTO: Instagram/@shaina_magdayao
HINDI Makapaniwala ang aktres at dating child star na si Shaina Magdayao na dalawampu’t limang taon na siya sa showbiz industry.
Sa pamamagitan ng Instagram ay ibinandera niya ang kanyang taos pusong pasasalamat sa lahat ng mga tumulong, sumuporta at gumabay sa kanyang journey bilang artista.
Kalakip pa ang litrato na naka-yellow gown habang nasa Christmas event ng Star Magic at may hawak pang tropeyo.
Sey niya sa caption, “Gosh. I’m still letting everything sink in.Inabot ng 25, akalain mo yun?! (laughing emoji)”
Nabanggit pa niya na ilang beses na niyang sinubukang bitawan ang showbiz.
“After a few (failed) attempts to quit and run away from the biz, andito pa din ako and this wouldn’t have been possible if it weren’t for the people behind me (white heart emoji),” aniya.
View this post on Instagram
Bukod pa riyan ay may ibinandera pa siyang postcards sa IG na tila napa-senti pa ang aktres.
Kinwento pa niya na hindi siya nagkaroon ng normal na buhay kagaya ng ibang mga bata, pero proud niyang sinabi na ang naging playmates niya noon ay mga direktor, staff at crews.
Sey niya sa post, “I did not have a normal childhood because I started when I was 6 BUT I did have a unique and special one wherein I had not much kids to play with BUT I DID HAVE DIRECTORS/STAFF/CREW as my coolest playmates!!!”
Hindi rin daw siya dumaan sa acting workshops at auditions, pero natuto siya sa kanyang mga naging karanasan sa trabaho.
Chika niya, “I did not undergo normal training like workshops, auditions etc. BUT I definitely went to the best acting school called “JOB AND EXPERIENCE”…with the BEST TEACHERS ever which are the most respected Directors and Bosses in the biz. Salamat po sa guidance at sermon, lalo na ‘nung ako’y bata pa.”
Pareho rin niyang pinasalamatan ang TV network companies na GMA at ABS-CBN.
Aniya, “And so I would like to thank GMA 7 – for discovering me at 6 years old and having faith in my “tears and chubby cheeks” and giving me my first break and first own show, #Lyra.”
Dagdag pa niya, “ABS-CBN, my Mother Network, ang aking ka-PAMILYA – for training, honing me as the actress that I am today and for literally raising me.”
May payo pang iniwan si Shaina sa kanyang post na “BE GRATEFUL FOR + EMBRACE THE HIGHS AND LOWS because all things pass at ang pinaka importante – HUWAG MAKALIMOT sa mga taong tumulong sa inyo, because again, you’re not going to make it alone, on your own.”
Maraming teleserye at pelikula na ang tinampukan ni Shaina mula noong anim na taong gulang pa lamang siya.
Bumida siya sa ilang sikat na teleserye kagaya ng “Lyra” ng GMA at “Marinella” sa ABS-CBN.
Gumanap din siya sa ilang hit movies tulad ng “Four Sisters and a Wedding” at “Ang Tanging Ina.”
Related chika:
Shaina Magdayao napurnada ang pagbabakasyon sa ‘paraiso’, kailangang magtrabaho kahit birthday
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.