Coleen Garcia payag mabuntis at manganak uli pero mas gusto munang tutukan si Amari
Billy Crawford at Coleen Garcia
GAME na game si Coleen Garcia na mabuntis at manganak uli sa ikalawang baby nila ni Billy Crawford kung mabibigyan ng pagkakaon.
Kasalukuyang nasa France si Coleen kasama ang kanyang asawang si Billy Crawford at anak nilang si Amari.
Sinamahan at sinuportahan kasi niya ang kanyang husband na sumali at nagwagi sa French edition ng reality dance competition program na “Dancing with the Stars”.
Nakachikahan ng ilang members ng entertainment press ang TV host-actress via zoom kamakailan para sa latest movie niya sa Viva Films, ang “Kaluskos”
Kuwento ng celebrity mom, mananatili sila sa France until the first week of December at babalik sa Pilipinas bago mag-Pasko.
View this post on Instagram
Ang “Kaluskos” na idinirek ni Roman Perez, Jr., ay ipinalabas sa nakaraang 2022 Cinemalaya Independen Film Festival at mapapanood na ito sa mga sinehan simula sa December 7.
Kuwento ni Coleen, medyo madalang siyang gumawa ng pelikula ngayon dahil ang priority pa rin niya ay ang kanyang pamilya, lalo pa’t lumalaki na ngayon si Amari.
Ang huling pelikula ni Coleen ay ang “Adarna Gang” na ginawa niya noon pang November, 2021 at ipinalabas sa Vivamax early this year.
“I don’t think I purposely limit pero mahirap din for every production to consider din na bitbit ko yung anak ko and everything.
“Parang mahirap din naman to consider pero wala, e, non-negotiable pa talaga siya kasi I never spent one single night away from Amari,” sey ni Coleen.
“So, nagpapasalamat talaga ako kasi ang Viva saka si Direk Roman, they’re really so understanding about that. And I don’t think, lalo na siguro kung teleserye, na magiging madali siya kung palagi kong kasama si Amari.
“I know it will not last forever kasi hindi naman siya bata forever. Inuuna ko lang talaga siya now,” dagdag chika pa ng aktres.
Sa tanong kung may plano na ba sila ni Billy na sundan si Amari, “It’s a good time, it’s a good time naman. But it’s still up to God pa rin, at the end of the day.
“Na-realize ko din naman na akala ko kasi, nu’ng pregnant ako, sabi ko, ‘Ay, madali lang ito. Parang nine months lang ang mawawala sa akin.’ Pero hindi.
“Two years na yung nawala sa akin na I don’t feel like it’s going to be cut short anytime soon.
“Raising a child is not easy and ang sa akin kasi, gusto ko lang matutukan si Amari and I feel like if we have another child now, doable naman, manageable naman, pero the way na natututukan namin siya ngayon, iba kasi talaga.
“Although we can multi-task, mas gusto ko yung focus talaga and then, kapag nakakausap na namin siya, nakakaintindi na siya, mae-explain na namin at maiintindihan niya, yon ang ideal time talaga para sa akin na masundan siya,” sabi pa ni Coleen Garcia.
Coleen isinama ang anak sa lock-in shoot: Hanggang ngayon kasi breastfeeding pa rin ako
Aiko Melendez kering-keri pang magbuntis at manganak: Maganda ang lahi ko, in fairness!
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.