Donnalyn Bartolome ayaw tanggapin ang regalo ng ina: Hindi pwede…may utang ako sa ‘yo
PHOTO: Instagram/@donna
TOP trending sa YouTube ang latest vlog ng actress at content creator na si Donnalyn Bartolome.
Ito ‘yung kanyang gift unboxing video na ipinapakita ang mga natanggap niyang regalo mula sa kanyang kaarawan.
Ayon kay Donnalyn, hindi na sana niya ito ibabandera sa YouTube dahil pakiramdam niya raw ay hindi niya deserve ang mga nakuhang regalo.
Gayunpaman ay lubos daw siyang nagpapasalamat sa mga taong patuloy na nagmamahal at sumusuporta sa kanya.
Caption niya sa isang Instagram post, “Last picture shows my *kilig* I didn’t reveal my gifts back in July because dumating ako sa point na naisip kong ‘di ko deserve yung ganitong pagmamahal.
“Pero kahit ganu’n, I realized I should still thank the people who shows me so much love by revealing them to you.. I have to let you know the ones who remembered my birthday and even went out of their way to give me something special. Nakakaiyak yung mga regalo,” sabi ng vlogger.
View this post on Instagram
Anyway mga ka-Bandera, sobrang daming regalo ang natanggap ng content creator.
Bukod sa mga alak, chocolates at flowers ay mayroon ding mga mamahalin at luxury items.
Kabilang na riyan ang earrings at bracelet na ibinigay sa kanya ng YouTuber na si Jelai, at ang bonggang cake mula sa TV host-actor na si Ryan Bang.
Nakatanggap din siya ng regalo mula sa Facebook na pinadalhan siya ng tatlong tropeyo para sa “Best Family Video,” “Best Music Video” para sa kantang O.M.O (On My Own), at “Best Beauty Video.”
Masayang sinabi ni Donnalyn, “‘Yung mga paghihirap ko rin pala sa content creation ‘no nare-recognize din naman pala. So one of the best gift na to be recognized this way.”
Nakakuha rin ang aktres ng Apple watch na lubos niyang ikinatutuwa dahil mahilig daw siya sa relo.
“May Apple watch ako… Mahilig kasi ako sa watch guys,” sey niya.
Binasa pa niya ang nakadikit na letter ng regalo, “This watch can’t stop time, but it can find your phone which will definitely helps save time.
“Lagi kasi nawawala cellphone ko. This is very thoughtful kasi totoo.”
At ang talagang iniyakan ni Donnalyn ay ‘yung naging regalo ng kanyang ina na isang Chanel watch.
Nakuwento pa ng content creator na dream watch niya ito, pero talagang may kamahalan.
Naiyak niyang sinabing, “Ito ‘yung pinapahanap ko sa kanya ‘to, pero nu’ng nalaman ko na medyo mahal, sabi ko ‘hindi okay lang ‘yan mommy, bibili pa kasi tayo ng bahay ulit,’ ‘yun ang sabi ko sa kanya.”
Sa huli, sinabi ni Donnalyn na hindi niya matatanggap ang bigay ng kanyang ina bilang regalo at babayaran niya raw ito.
Sey niya, “Hindi pwedeng gift mo ito sa akin mommy, babayaran kita… That is too much for a watch. I will not accept this as a gift, may utang ako sayo.”
As of this writing, number one trending sa YouTube ang gift unboxing video ni Donnalyn na umaani na ng mahigit 1.2 million views.
Related chika:
JM de Guzman umamin na sa tunay na feelings kay Donnalyn Bartolome: ‘May gusto ako sa kanya…’
JM de Guzman sinorpresa ni Donnalyn Bartolome: Nabigyan mo ako ng pagkakataong lumigaya
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.