Taylor Swift big winner sa MTV Europe Music Awards; Maymay Entrata talo sa K-pop boyband

HUMAKOT ng parangal ang pop superstar na si Taylor Swift sa MTV Europe Music Awards ngayong taon.

Naganap ang awarding ceremony sa PSD Bank Dome sa Germany noong Linggo, November 13.

Apat na tropeo ang naiuwi ng singer kabilang na riyan ang best artist, best video, best pop at best longform video para sa kanyang “All Too Well (10 Minute Version) (Taylor’s Version).”

The #MTVEMA for Best Artist goes to @taylorswift13! 🏆 pic.twitter.com/hIAE1h86ij

— MTV EMA (@mtvema) November 13, 2022

Ito ang ikalawang beses na nanalo ng best video si TayTay sa kaparehong award-giving body na kung saan ay una niyang nakuha ang titulo three years ago para sa music video niya sa kantang “ME!”

Nagwagi naman ng tig-dalawang awards sina Nicki Minaj, David Guetta, at K-Pop group na SEVENTEEN.

Si Nicki ay nakuha ang best song para sa “Super Freaky Girl,” at best best hip hop.

Si David naman ay naging nest collaboration para sa kantang “I’m Good (Blue)” kasama si Bebe Rexha, at best electronic.

Ang SEVENTEEN nay nakapag-uwi ng best new at best push awards.

Samantala, natalo ang ating Philippine pride na si Maymay Entrata sa nominasyon ng MTV EMA bilang “Best Asia Act.”

Ang nagwagi sa nasabing kategorya ay ang K-POP boy band na TOMORROW X TOGETHER.

Kung matatandaan noong nakaraang buwan, proud na ibinandera ni Maymay na nominado siya at ang mga kalaban niya ay sina Indonesian singer-songwriter NIKI, J-pop group na “The Rampage from Exile Tribe”, Thai singer na si “SILVY,” at South Korean boy group na “Tomorrow x Together.”

Related chika:

Maymay Entrata may pasabog na bagong ‘single’, kabogera sa music video

Maymay Entrata ‘kabogera’ sa MTV Europe Music Awards

Taylor Swift lookalike pambato ng Australia sa Miss Earth pageant