‘Super Lola’ sa Pampanga 102 years old na, meron nang mahigit 100 apo; wala ring sakit at maintenance medicine
Siya si Leonora Ibay na tubong-Barangay Santiago, Lubao, Pampanga na isinilang noong May 20, 1920. Sa kanyang edad na 102 malakas pa rin si Lola at walang iniindang karamdaman.
Ayon sa Pampanga Information Office, isa si Lola Leonora sa pinakamatandang Kapampangan na nabubuhay ngayon base na rin sa report ng Provincial Social Welfare and Development Office.
Kamakailan lamang ay nakatanggap si Lola Leonora ng P100,000 bilang cash incentive mula sa provincial government ng Pampanga.
Ito’y bilang bahagi na rin ng pagpapatupad sa programa ng pamahalaan bilang pagkilala sa lahat ng mga senior citizen na may edad 95 years old pataas sa kanilang naging kontribusyon sa society.
Bukod dito, qualified na rin siyang makatanggap ng P100,000 cash incentive mula sa national government through Department of Social Welfare and Development alinsunod sa Republic Act No. 10868 o ang “Centenarians Act of 2016.”
Sabi pa sa ulat ng Pampanga Information Office, sa kanyang edad na 102 at bilang isa sa mga nabubuhay pang centenarian sa Pilipinas, ay strong pa rin siya at nakapaglalakad pa nang maayos.
Bukod pa rito, wala pa rin siyang tine-take na anumang maintenance medication. Malinaw pa rin ang kanyang pagsasalita kaya hindi mo aakalaing wala pa siyang 100 years old.
More than 100 na rin ang mga apo ni Lola Leonora mula sa kanyang 18 anak.
Sa interview ng GMA kay super lola last October 27, sinabi nitong wala naman talaga siyang sikreto sa pagkakaroon ng malusog na pangangatawan.
“Ewan ko bakit hindi ako tumatanda. Nasa Diyos iyan at sa mga bata, sa mga anak ko,” sabi ni Lola Leonora na palagi pa ring nakatutok sa sandamakmak na apo.
“Marami akong iniisip para sa kanila (mga apo) para sana mag-unlad ang kanilang buhay,” dagdag pa niya.
Read more:
3-year-old kikay kid viral na dahil sa paandar na ‘Makeup Tutorial’ sa TikTok
Indonesian na may ‘British accent’ viral sa TikTok, may milyon-milyong likers
Letter na nagpaiyak sa mga netizens viral na: ‘Hindi ko man kagustuhan, sorry Panda…’
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.