Mandy Moore super happy sa lumalaking pamilya, ipinakilala ang baby No. 2: ‘Ozzie is here!’
Mandy Moore with Baby Ozzie (PHOTO: Instagram/@mandymooremm)
LUMALAKI na ang pamilya ng American iconic singer na si Mandy Moore!
Proud niyang ibinandera sa social media na isinilang na niya ang “second baby” nila ng mister na isa ring musician na si Taylor Goldsmith.
Sa isang Instagram post ay ipinakilala pa niya ang bagong baby na si Oscar Bennett Goldsmith or in short ay si Baby Ozzie.
Chika niya sa post, “Ozzie is here! Oscar Bennett Goldsmith arrived a little late but with much aplomb (and an easier/speedier delivery than his big brother, much to the delight of his parents).
“Every adage is true: our hearts have doubled in size and the immediacy of the love is astounding.
“He is beyond words and we are so grateful for our family of four!
View this post on Instagram
Bumuhos naman ang mga pagbati ng ilang international stars sa post ni Mandy.
Kabilang na riyan sina Alison Brie, Rachel Bilson, Sophia Bush Hughes, Caitlin Thompson, Zachary Levi, at marami pang iba.
Noong Hunyo nang ibinalita ng mag-asawa na magkakaroon sila ng isa pang baby.
Kung matatandaan, taong 2015 nang mag-umpisang mag-date sina Mandy at Taylor.
Noong 2018 sila ikinasal matapos ang isang taong “engaged” at nabiyayaan ng panganay na anak matapos ang tatlong taon.
Pebrero ng nakaraang taon isinilang ni Mandy ang panganay na anak na si Gus.
Pero bago ‘yan, may unang asawa si Mandy at siya si Ryan Adams, isang American music producer at singer.
Ikinasal sila noong 2009, pero nag-divorce din noong 2016.
Read more:
Mariel bumobongga ang career sa live selling; Janella, Markus muling nagkasama para kay Baby Jude
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.