Tom Hanks ‘nagsungit’ sa bagong pelikula na pagbibidahan
PHOTO: Columbia Pictures
MAY bagong pelikula na pagbibidahan ang award-winning actor na si Tom Hanks!
Ito ang comedy drama film na “A Man Called Otto.”
Isa itong “movie adatation” na base sa “#1 bestseller” na nobela ng parehong title ng “Swedish” author na si Fredrik Backman.
Tungkol ito sa isang masungit na biyudo na nagbago matapos makilala at maging kaibigan ang isang kapitbahay na pamilya.
Sa pasilip na inilabas ng “Columbia Pictures,” mapapanood na tila galit sa mundo at panay reklamo ang karakter ni Tom sa pelikula.
Pero nagsimula siyang magbago nang may lumipat na pamilya malapit sa kanyang tinitirhan at tila sinusubukang makipag-bonding sa kanya.
Makakasama ni Tom sa pelikula sina Mariana Treviño, Rachel Keller, Cameron Britton, at Manuel Garcia-Rulfo.
Sa susunod na taon pa nakatakdang ipalabas sa mga sinehan ang “A Man Called Otto.”
Noong dekada otsenta nang nag-umpisa makilala si Tom sa industriya ng pelikula dahil sa teleseryeng “Bosom Buddies.”
Ilan sa mga pinagbidahan niyang sikat na pelikula ay ang “Forest Gump,” “Saving Private Ryan,” “The Da Vinci Code,” at “Inferno.”
Siya rin ang bumoses sa animated character na si “Woody” ng blockbuster movie series na “Toy Story.”
Read more:
True ba, gagawin nang 10 ang pelikulang maglalaban-laban sa MMFF 2022?
Bagong superhero film ng DC Comics na ‘Black Adam’ palabas na; Michael B. Jordan isa nang direktor
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.