Julia Barretto hindi inurungan ang pang-aasar ni Matteo sa kanya: Pwede nating i-mention ‘yung…
PINALAGAN ng Viva actress na si Julia Barretto ang mga naging hirit sa kanya ng TV host-actor na si Matteo Guidicelli.l
Naging guest player kasi ng “Lunch Out Loud” segment na “Maritest” ang dalaga kung saan ang asawa naman ni Sarah Geronimo ang host.
Naungkat nga ni Julia ang nangyari sa pagitan nina Matteo at ng kanyang kaibigang si Alex Gonzaga na talaga namang pinag-usapan sa social media.
Matatandaang nag-trending sina Alex at Matteo kamakailan nang i-call out ng huli ang bunsong kapatid ni Toni ukol sa mga pagbibiro nito at pag-uungkat ng past relationship ng TV host-actor.
Makikitang pabirong inuusisa ni Julia kung kumusta na ang dalawa kahit na alam naman niya na biruan lang ang nangyari sa pagitan ng dalawa na sinersyoso lang ng mga netizens kaya naging malaking isyu sa social media.
Kinulit rin ng aktres si Matteo patungkol kay Alex na kasalukuyang nagbababakasyon na siyang sinakyan naman ng aktor at humingi pa ng pasalubong on national TV.
“I miss you, Lex! Please come back home and bring pasalubong for everyone and please extra pasalubong for me,” saad ni Matteo.
Kinulit pa ni Julia si Matteo hanggang sa mag-sorry ang aktor kay Alex dahil sa naging isyu na biruan lang naman talaga.
View this post on Instagram
Patuloy ang biruan ng dalawa hanggang sa mabanggit ni Matteo kung nag-text na raw ba si Joshua sa aktres.
Natawa naman si Julia at sinabing hindi iba na ang boyfriend nito at pinaayos sa TV host ang tanong nito.
Humingi naman ng sorry si Julia sa mga pangalan na kanilang nababanggit at sinabing hindi nila sinasadya na mabanggit ang mga ito.
Nag-shout out na rin si Matteo sa boyfriend ng aktres na si Gerald Anderson sabay biro na kay Gerald daw nagsimula ang salitang “ghosting”.
Tumahimik naman at pabirong nag-make face si Julia sa tinuran ni Matteo.
Agad naman itong bumawi at sinabing kaya daw niya nalaman ang salitang ghosting ay dahil mismo kay Matteo.
“Actually it’s not the first time I’ve heard it ah. You know why? The first time I’ve heard it may nagkuwento sa akin about Matteo Guidicelli,” banat ni Julia.
Nag-react naman ang mga “Tropang LOL” hosts sa tsaang binitawan ng dyowa ni Gerald.
Napabawi naman si Matteo at sinabing hindi na niya maalala kung ano ang binabanggit ni Julia.
Sinabi rin ng aktres na nakalimutan na raw niya ang kwentong ito pero naalala niya dahil sa pang-aasar ni Matteo.
“Actually nakalimutan ko na pero binalik mo. Huwag na nating i-mention kung sinong ginanon mo,” sey pa ni Julia.
Nauwi na lang ang dalawa sa tawanan dahil sa asaran nila at muling bumalik sa paglalaro.
Related Chika:
Matteo Guidicelli inaming biruan lang ang viral ‘serious talk’ nila ni Alex Gonzaga
Matteo Guidicelli pinagsabihan si Alex Gonzaga: Irespeto natin ang mga asawa natin
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.