DOJ pinabulaanang nawawala ang rape case folder ni Vhong Navarro: Records are still intact
ITINANGGI ng Department of Justice o DOJ ang mga lumabas na balita na nawawala ang rape case folder ng actor-comedian na si Vhong Navarro.
Ito ay may kaugnayan sa kinakaharap na kaso ng aktor na kasong rape at acts of lasciviousness na inireklamo ng modelong si Deniece Cornejo laban sa kanya.
Ayon sa ulat ng Journal News Online nitong Lunes, August 8, sinabi ni Prosecutor General Benedicto Malcontento na walang nawawalang file sa record ni Vhong.
“No [it is not missing]. Just tracing it because it was under petition for review. When it was located, it contained numerous pages. The paging must be indicated in the transmittal,” saad ng prosecutor general.
View this post on Instagram
Aniya, ipinadala raw cang rape case folder ni Vhong sa Office of the City Prosecutors (OCP)-Taguig base na rin sa utos ng Court of Appeals (CA).
“Folder was transmitted [to] OCP Taguig last Friday. Records of the case still intact. Parties need not worry,” pagpapatuloy niya.
Nasabi kasi ng abogado ni Deniece na si Atty. Ferdinand Topacio na baka magkaroon rawng panibagong balakid dahil hindi raw mahanap ang case folder ni Vhong.
Baka rin daw mapahamak at maharap sa kaso ang custodian na kapag hindi nakita ang folder ng aktor.
“That is a criminal offense. That is infidelity in the custody of official documents,” saad ni Atty. Topacio.
Matatandaang noong July 21 ay naglabas ng dalawampu’t anim (26) na pahinang desisyon ang 14th Division ng Court of Appeals kung saan pinaboran ng hukuman ang petition for review na inihain ni Deniece noong 2014.
“Cornejo decries attempted rape on the night of January 22, 2014 while Navarro denies any wrongdoing. We reiterate once more that the preliminary investigation is not the proper venue on the respondent’s guilt or innocence,” bahagi ng desisyon ng Court of Appeals.
Related Chika:
Vhong Navarro kinampihan ng ex-wife na si Bianca Lapus: The truth will prevail, walang iwanan…
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.