Anji Salvacion waging ‘PBB 10’ Big Winner: Tagumpay ang plano!
Anji Salvacion
ITINANGHAL na “Pinoy Big Brother Kumunity Season 10” Big Winner ang celebrity housemate na si Anji Salvacion.
Sa ginanap na finals night ng “PBB 10” kahapon, May 29, ang “Singing Sweetheart ng Siargao” nga ang nagwagi with 40.42-percent of the combined total votes.
Bukod sa iba pang papremyo, makakapag-uwi rin ang Kapamilya actress at singer ng tumataginting na P2 million.
Naging emosyonal si Anji nang siya na lang ang maiwan sa loob ng Big Night confession room at dalhin sa main stage ng “PBB” na super shocked nga sa kanyang pagkapanalo.
“First of all I want to really say thank you to God for giving me this opportunity and giving me this biggest blessing in life.
“It is not about the title but how people trusted me, that’s my biggest blessing. How people look up to me and no words can express,” bahagi ng mensahe ng dalaga.
“Tagumpay ang plano!” ang natatawa pang pahayag ni Anji sa kanyang speech na sinundan ng palakpakan at sigawan mula sa kanyang kapwa celebrity housemates.
View this post on Instagram
Samantala, ang adult housemate naman na si Isabel Laohoo ang itinanghal na second big placer with 18.20 percent of the total combined votes. Wagi naman siya ng P500,000.
Third placer naman ang celebrity housemate na si Samantha Bernardo na nakakuha ng 16.28 percent of the total combined votes at makakapag-uwi ng P300,000. Biro ng beauty queen, hahatian daw niya si Alyssa Valdez sa kanyang premyo na nag-resign bilang bahagi ng Biga10 housemates.
Ang 4th Big Placer naman na may 4.01 percent of the total combined votes ay si Rob Blackburn at 5th big placer si Brenda Mage na nakakuha lang ng 1.19 percent of the total combined votes.
Present sa huling gabi ng Kapamilya reality show ang past “PBB” Big Winners na sina Kim Chiu (Teen Edition Season 1), Melai Cantiveros (Double Up), Nene Tamayo (Adult Edition, Season 1), Maymay Entrata (Lucky Season 7), at Daniel Matsunaga (All-In) para sa Q&A segment ng programa.
Nakisaya rin sa finals night ang mga Kapamilya stars na sina KZ Tandingan, Bamboo, BINI, BGYO, EZ Mil, Jeremy G, Sab, “PBB Connect” housemates Kobie Brown, Andi Abaya, Ralph Malibunas, Gail Banawis at Chico Alicaya.
Naroon din ang iba pang “PBB Kumunity Season 10” housemates mula sa Celebrity, Adults, at Teen editions.
Anji Salvacion ‘nag-sorry’ sa madlang pipol matapos tanghaling Top 2 sa ‘PBB’ season 10
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.