Michelle Dee, Katrina Llegado, Celeste Cortesi, Pauline Amelinckx, Annabelle McDonnell pasok sa Top 5 ng Miss Universe PH 2022

Ang Top 5 Miss Universe Philippines 2022 finalists

MAGPAPATALBUGAN sa pagsagot sa huling round ng question and answer portion para sa inaasam na korona at titulong Miss Universe Philippines 2022 ang napiling Top 5 finalists.

Isa-isang sasalang sa bonggang-bonggang tanungan ang mapipiling Final 5 at yan nga ay walang iba kundi ang mga sumusunod.

Miss Misamis Oriental Annabelle McDonnell

Miss Makati City Michelle Dee

Miss Taguig Katrina Llegado

Miss Pasay City Celeste Cortesi

Miss Bohol Pauline Cucharo Amelinckx

Bubunot ng questions ang bawat kandidata at siyempre kung sino ang may pinamaganda at pinaka-impressive na sagot, siya ang may malaking chance na manalo bilang Miss Universe Philippines 2022.

Ang apat naman na matitirang kandidata mula sa Top 5 ang siyang tatanghaling Miss Philippines Tourism, Miss Universe Philippines Charity, Second Runner-up at First Runner Up.

Nakasalalay naman sa mga hurado ang kapalaran ng itatanghal na reyna ng buong universe na kinabibilangan nina Francis Padua, Tony Co See, Margarita Gutierrez, Sam Verzosa, RS Francisco, Jennifer Olay, Lia Andrea Moss, Joshua Sorrentino, Richelle Singson, at ang reigning Miss Universe 2021 na si Harnaaz Sandhu ng India.

Kaya gora! Kanya-kanya na tayong hula kung sino ang hihiranging pinakamagandang Filipina sa buong universe.

https://bandera.inquirer.net/312238/michelle-dee-celeste-cortesi-pauline-amelinckx-maria-katrina-llegado-pasok-sa-miss-universe-ph-2022-top-16

https://bandera.inquirer.net/312242/top-10-miss-universe-ph-2022-candidates-napili-na

https://bandera.inquirer.net/312232/miss-universe-ph-2022-candidates-celeste-cortesi-michelle-dee-pauline-amelinckx-nanguna-sa-international-publications-list