Miss Universe 2017 Demi-Leigh Tebow dumating na sa Manila: I’m so happy to be here!
Demi-Leigh Tebow
DUMATING na rin sa Manila si Miss Universe 2017 Demi-Leigh Tebow na isa nga sa magiging host ng Miss Universe Philippines 2022 grand coronation night bukas ng gabi.
Makakasama niya bilang host ng event ang mga kapwa niya Miss Universe winners na sina Pia Wurtzbach and Iris Mittenaere.
Ibinalita ni Demi-Leigh ang kanyang pagdating sa bansa sa pamamagitan ng Instagram kung saan ipinost niya ang ilang litrato kasama ang mga Miss Universe Philippines 2022 candidates.
“I’m so happy to be here! Philippines day one @themissuniverseph,” ang inilagay niyang caption sa kanyang IG photos.
May ibinahagi ring litrato niya ang beauty queen sa IG kasama ang Miss Universe Philippines National Director na si Shamcey Supsup. Ipinost din ng Pinay beauty queen ang photo nila ni Demi-Leigh sa kanyang IG page.
Ang inilagay niya sa caption ay, “One of my favorite Miss Universe ever. Thank you for inspiring and motivating @themissuniverseph candidates to use their platforms for a greater cause. Truly a remarkable woman worth emulating.”
View this post on Instagram
Nitong nagdaang Miyerkules, April 27, nag-post din si Demi ng kanyang photo sa IG at sinabing excited na siyang makabalik sa Philippines at makasama ang iba pang Miss Universe queens.
“It’s Pageant week everyone! So honored and excited to be back in the and to be a part of the coronation of @themissuniverseph this weekend! Who will be the next Miss Universe Philippines? #philippines #missuniversephilippines,” ang caption nito sa kanyang post.
Bukod kay Demi, nasa bansa na rin si Iris Mittenaere at bumati pa sa kanyang mga socmed followers kaninang umaga with her IG story post na, “Morning Manila.”
Nauna nang dumating sa Pilipinas ang reigning Miss Universe na si Harnaaz Sandhu last Monday, April 25, na uupo naman bilang isa sa mga judge ng pageant. Present din siya sa naganap na preliminary show ng Miss Universe Philippines 2022 kamakalawa.
Noong March 26, in-announce ng Miss Universe Philippines Organization na sina Demi, Iris, at Pia nga ang magho-host ng coronation night na ikinatuwa ng pageant fans.
“#UniquelyBeautiful meets #ConfidentlyBeautiful. You’re in for a phenomenal show, Universe! Introducing our hosts for the Miss Universe Philippines 2022 Finals, April 30, at the SM Mall of Asia Arena!” ang nakasaad sa nasabing announcement.
Bukas ng gabi na magaganap ang Miss Universe Philippines 2022 finals night sa Mall of Asia Arena. Maaari itong mapanood nang live sa iWantTFC, ABS-CBN Entertainment YouTube Channel, at The Filipino Channel (TFC) sa ganap na 7 p.m..
View this post on Instagram
https://bandera.inquirer.net/294812/miss-world-ph-2021-tracy-perez-sa-2-beses-na-pagbagsak-hindi-ko-alam-kung-matutuwa-ako-mahihiya-o-malulungkot
https://bandera.inquirer.net/285636/rabiya-hindi-na-pina-follow-sa-ig-ang-non-showbiz-bf-tuluyan-nang-naghiwalay
https://bandera.inquirer.net/280974/andrea-ayaw-pang-magdyowa-uli-gusto-kong-mag-isa-muna-para-pag-dumating-yung-next-all-out-ulit
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.