Jeron Teng engaged na kay Jeanine Tsoi: I’m the luckiest to have you, I love you forever!
Jeron Teng at Jeanine Tsoi
MAS naging extra special pa ang birthday celebration ng Alaska Aces player na si Jeron Teng ngayong taon dahil sa pagpo-propose niya sa kanyang longtime girlfriend.
Kasabay ng kanyang 28th birthday nitong nagdaang Lunes, March 21, natanggap din niya ang bonggang-bonggang “yes” ng GF niyang si Jeanine Tsoi nang yayain na niya itong magpakasal.
Makalipas nga ang pitong taon ng pagiging magkarelasyon na nagsimula sa basketball court, handang-handa na ang dalawa para sa next level ng kanilang pagsasama.
Naganap ang makasaysayang proposal ni Jeron kay Jeanine, na dating courtside reporter, sa FilOil Flying V Arena sa San Juan City.
At para mas makumpleto ang basketball feel sa venue, isinuot talaga ng professional basketball player ang kanyang DLSU jersery.
View this post on Instagram
Sa kanyang Instagram account, ipinost ng PBA player ang ilang snapshots na kuha sa naganap na marriage proposal. May isa ring video clip kung saan mapapanood ang ilang memorable scenes ng engaged couple.
Kalakip ng mga ibinahaging litrato at video ni Jeron ay ang appreciation letter niya para sa kanyang fiancée.
“To my girlfriend Jeanine, it has been almost 7 years since we’ve started dating. I am grateful that fate brought us together.
“I played for La Salle and you became our courtside reporter. God gave me the blessing to meet the girl of my dreams.
“From then on, life has never been better. In those years, we have built memories together and even in the simplest moments it made me love you even more.
“Im the luckiest to have you. I love you forever and, there’s only one thing left to do…” ang mensahe pa ng PBA cager.
Sa IG page naman ni Jeanine, makikita rin ang kaparehong litrato at video na ipinost ni Jeron at dito inilarawan niyang “answered prayer” ang engagement nila ng kanyang fiancé.
Matatandaang nagkakilala ang dalawa during their college days, kung saan naging courtside reporter si Jeanine sa UAAP season 77 habang miyembro naman si Jeron ng Green Archers team.
https://bandera.inquirer.net/293406/james-yap-certified-vlogger-na-rin-na-wow-mali-agad-sa-unang-vlog
https://bandera.inquirer.net/302641/nagpakilalang-asawa-ng-sikat-na-basketball-player-arestado-sa-mga-kasong-extortion-carnapping
https://bandera.inquirer.net/292384/sharon-shocked-sa-biglaang-pagkamatay-ni-raymund-isaac-ang-dami-pa-nating-gagawin-di-ba
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.