Regine super enjoy katrabaho sina Jolina at Melai; Gary game na game makipag-collab sa mga baguhang artist
Gary Valenciano at Regine Velasquez
GAME na game ang OPM icons na sina Mr. Pure Energy Gary Valenciano at Asia’s Songbird Regine Velasquez na makipag-collab sa mga baguhang artists at performers.
Bukod sa mga newcomers sa local music industry, willing din daw ang dalawang Kapamilya stars na maka-jamming ang mga Filipino artists sa iba’t ibang bahagi ng mundo.
Pahayag ni Gary, excited na siyang makipag-collab sa mga struggling singers at songwriters, “At this point in time in my career, I am really open to doing new things, collaborating, writing with others and all.
“Actually, matagal na akong hindi nakakapagsulat ng kanta. Maybe it’s time I start collaborating especially when you say it’s for a good cause,” pahayag pa ng veteran OPM artist sa “Kapamilya Strong 2022” event.
Nahingan din si Gary ng mensahe para sa mga aspiring songwriters, “Hindi lahat ng tao nakakapagsulat ng kanta. So, I highly encourage you to just keep on writing. You never know what will happen.
“Your dream for that song may not come to pass in one year, but it may happen in a few years, with an artist you never expected.
“Pero nagkataon na narinig yung kanta mo, nagustuhan yung kanta mo and then it becomes what is meant to be,” chika pa ni Gary.
View this post on Instagram
Samantala, bukod sa pangarap niyang makasama ang isa pang music icon na si Lea Salonga sa bonggang concert, kering-keri rin niyang makipag-collab online sa mga kapwa Pinoy artists na gumagawa na rin ng pangalan sa ibang bansa.
Naibahagi rin ng nag-iisang Songbird ang happy moments niya sa pagiging guest co-host sa morning program ng ABS-CBN bilang kapalit pansamantala ni Karla Estrada na tumatakbo ngayon bilang isa sa mga partylist nominee.
“I’m having such a wonderful time working with Jolina and Melai. It’s not really work for me and I’m just having fun.
“Yung mga nanonood sa amin siguro napapansin na tawa lang kami ng tawa. Kasi really it’s fun for me and para akong naglalaro. Iba yung format ng Magandang Buhay and I remember doing the same thing before and I kind of miss it.
“I was happy to be given the opportunity to do it again, a morning show with two other girls, whom I love working with,” pahayag ni Regine.
Nauna rito, nabanggit din nina Regine at Gary na payag din silang mag-mentor sa mga baguhang singer at willing silang ibahagi ang mga natutunan nila sa industriya sa loob ng ilang dekada.
Itinuturing din nilang malaking blessing sakaling maging mentor sila ng mga artists na susunod sa kanilang yapak.
https://bandera.inquirer.net/306681/regine-gary-hindi-maramot-sa-pagse-share-ng-tips-sa-mga-kapwa-singer-we-dont-want-that-to-die-with-us
https://bandera.inquirer.net/300677/regine-inireklamo-ang-socmed-accounts-na-nakapangalan-kay-nate-sorry-im-just-trying-to-protect-my-son
https://bandera.inquirer.net/281293/asawa-ni-gary-valenciano-na-si-angeli-ligtas-na-sa-covid-19
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.