Tracy Perez biktima rin ng pambu-bully sa school, grabe ang hinarap na pagsubok: I thought I would never survive…
Tracy Maureen Perez
BINALIKAN ni Miss World Philippines 2021 Tracy Maureen Perez ang ginawang pambu-bully sa kanya noon ng mga kaklase at kung paano siya nagpakatatag para malagpasan ang mga hinarap na pagsubok.
Sa bagong article na ibinahagi ng dalaga tungkol sa ilang inspiring part ng kanyang life story sa Miss World website, nabanggit nga niya ang pagiging survivor mula sa mga bully sa school.
Sa kanyang Instagram account, ipinost din ni Tracy ang nasabing article kasabay ng pakiusap sa mga Pinoy na muli siyang suportahan sa paglaban niya sa 70th edition ng Miss World.
“Strength in vulnerability. Sharing with you all bits and pieces of my life. Article up on my website!” ang caption ng dalaga sa kanyang IG post.
May titulong “Who is Tracy — a miracle or a warrior?”, ikinuwento rito ng beauty queen ang pagiging “miracle baby” at kung paano siya pinalaking mag-isa ng kanyang nanay.
Ani Tracy, hanggang ngayon ay hindi talaga niya maintindihan kung bakit tinutukso at inookray siya ng mga kaklase niya noong nag-aaral pa siya.
“I still don’t understand to this day why it was such a big fuss back then, but some of my classmates would always make fun of me and call me names,” pahayag ni Tracy.
Ngunit sa lahat ng mga pinagdaanan niyang pagsubok, ang pinakamatindi raw ay ang pagkamatay ng kanyang nanay.
“I thought I would never survive. And thus, the new chapter of my life began — the constant fight for survival, for belongingness, for happiness, for purpose, for fulfillment, and for a better life,” lahad pa ng dalaga.
“Fast forward to 2022, I am still fighting, but this time, I am no longer alone.
“I now carry with me the hopes and dreams of the once 17-year old who lost everything along with the hopes and dreams of every single person who just like me, had hit rock bottom and is constantly working her way back up,” dagdag na chika pa ng Pinay beauty queen.
View this post on Instagram
Samantala, sa isa pa niyang Instagram post, ibinalita ng dalaga na hands-on siya sa paggawa at pag-eedit ng contents sa kanyang page na nasa Miss World website.
“I’m ecstatic that I get this opportunity to share with all of you my perspective of things and that it helped light up my passion for writing once again!”
“Hope you enjoy and learn a thing or two,” sey pa ni Tracy.
Sa ngayon, naghahanda na si Tracy para sa Miss World Digital Media Challenge, kung saan ang mananalo ay sigurado nang makakapasok sa Top 12.
Nauna nang nakakuha ng puwesto sa Top 40 ang dalaga matapos manalo sa mga “fast track” competitions.
Ang 70th Miss World ay gaganapin sa Puerto Rico sa March 12, ito’y matapos ngang ma-postpone ng ilang beses ang grand coronation dulot ng COVID-19 pandemic.
https://bandera.inquirer.net/300759/life-story-ni-miss-world-ph-2021-tracy-perez-pang-mmk-at-mpk-hindi-bet-noon-ang-beauty-pageant
https://bandera.inquirer.net/294812/miss-world-ph-2021-tracy-perez-sa-2-beses-na-pagbagsak-hindi-ko-alam-kung-matutuwa-ako-mahihiya-o-malulungkot
https://bandera.inquirer.net/301515/tanggap-naman-pala-ako-ng-tao-kahit-na-ganito-ako
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.