Beatrice Gomez sinabihang huwag umamin sa tunay na pagkatao nang sumali sa isang beauty pageant
Beatrice Gomez
DINEDMA ni Beatrice Luigi Gomez ang payo ng mga taong nasa likod ng isang national pageant na ilihim ang tunay niyang pagkatao nang matanggap bilang isa sa mga official candidates.
Hangga’t maaari raw ay huwag muna niyang sabihin sa publiko na isa siyang bisexual at may karelasyong kapwa babae.
Ngunit hindi ito pinakinggan ni Beatrice na nagwagi ngang Miss Universe Philippines 2021 at umabot pa sa Top 5 finalist sa katatapos lang na 70th Miss Universe.
Sa panayam ni Karen Davila sa beauty queen at proud member ng LGBTQ community, natanong siya kung natakot ba siyang ibandera sa madlang pipol ang tunay niyang sekswalidad.
“No. Actually, the first time po that I was invited to join a national pageant, that organization told me not to be open about my preferences, my sexuality.
“They told me to hide my photos on social media,” aniya pa na ang tinutukoy ay ang mga litrato sa kanyang socmed accounts kasama ang dati niyang girlfriend.
Hindi nga pinakinggan ni Bea ang advice sa kanya dahil wala raw siyang nakikitang dahilan para itago ang tunay niyang pagkatao at isa nga raw sa mga dahilan ng pagsali niya sa beauty pageant ay para maging boses ng LGBTQ community.
“And I felt that it was wrong. That it was not right to be in a competition not being myself.
“So, when I had that chance to be in Binibining Cebu, and I won the competition, I really used that platform to represent the LGBTQ community.
“It was something that I had to do, not only for myself, but for the rest of the community,” katwiran pa ng dalaga na nanalong Binibining Cebu 2020 noong January, 2020.
Dito niya inamin na may karelasyon siyang lesbian kaya marami na rin ang nakakaalam sa pagiging bisexual niya sumali at manalo siya sa Miss Universe Philippines 2021 na ginanap nitong nagdaang September.
View this post on Instagram
Aniya, nakuha raw niya ang tapang na magpakatotoo sa publiko dahil tanggap na tanggap siya ng kanyang ina pati na ng kanyang mga kaibigan.
“I believe I got this courage from my mom, who taught me to really be myself, to fight for the things that I believe in.
“She raised me and my sister single-handedly. She received a lot of discrimination because she’s a single mom, and I learned from her to be brave.
“As long as wala kaming inaapakan na tao, as long as you’re able to love other people and not hurt them. You have to really stand for what you believe in and I got that from my mom,” dagdag pang paliwanag ni Bea.
Patuloy pa niya, “I was very fortunate na I didn’t have to come out to anyone. When I said to my mom na I have this preference to be with the same sex, she accepted me. So did everybody else.
“That was one of the biggest things that really helped me to perform the best in everything that I do, and I’m really grateful for the people who supported me,” pahayag pa ng Pinay beauty queen.
https://bandera.inquirer.net/294306/beatrice-gomez-ng-cebu-city-wagi-bilang-miss-universe-philippines-2021
https://bandera.inquirer.net/296536/beatrice-gomez-bet-maging-action-star-willing-gumawa-ng-stunts-kahit-walang-ka-double
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.