5.3 lindol yumanig sa ilang bahagi ng Luzon
Isang 5.3 magnitude na lindol ang tumama sa karagatan sa pagitan ng Batangas at Mindoro sa ganap na 5:12 ng hapon ngayong Lunes.
Ayon sa Philippine Institute of Volcanology and Seismology, naramdaman ang lindol sa sumusunod na lugar:
- Intensity III: Quezon City
- Intensity II: San Felife, Zambales
- Intensity I: Tagaytay City, Batangas City, Calatagan, Batangas (instrumental intensities)
May lalim itong 99 kilometro sa lokasyong 24 kilometro sa timog kanluran ng Calatagan.
Habang sinusulat ang balitang ito, walang naiulat na nasaktan o pinsala na likha ng lindol.
Ang Pilipinas ay matatagpuan sa tinatawag ng Pacific “Ring of Fire” kung saan ang mga tectonic plates ay nagkikiskisan na siyang lumilikha ng madalas na pag-aalburuto ng bulkan at pagyanig ng lupa.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.