Robin nagsabit ng ‘baligtad’ na bandera ng Pinas: Para hindi ko po makalimutan na ako ay nasa gera…

Robin Padilla

MARAMING netizens ang nakapansin sa baligtad na pagkakasabit ng bandera ng Pilipinas sa isang litrato ni Robin Padilla.

May nagpadala sa amin ng nasabing photo na kuha sa official Facebook account ng dating action star na in-upload nitong nakaraang Dec. 6.

Makikita sa litrato si Robin na nagdarasal sa sahig habang nakasabit naman ang Philippine flag sa isang TV set na nakakabit sa pader ng kwarto (na tila isang opisina).

Ilang netizens ang nagsabi na mukhang sasabak nga sa giyera ang mister ni Mariel Rodriguez dahil sa baligtad na pagkakalagay ng bandera ng bansa sa kanyang kinaroroonan.

Pero sa mensahe pala ni Binoe na naka-post sa kanyang FB page ay mababasa na sinadya niya ang baligtad na pagkakasabit ng kanyang bandila.

Ang nakasulat sa caption ng FB post ni Binoe ay, “Bismillah…Alhamdulillah… 
Allah hu akbar Allah hu akbar Allah hu akbar…

“Negative antigen at normal temperature and pulse rate at oxygen level.

“In shaa Allah…Wag niyo na po kwestiyonin ang pagkakaayos ko ng aking personal na bandila natin na Baon ko sa aking paglalakbay.

“Personal ko po itong motibasyon sa sarili ko na Pagkatapos magdasal ng fajr ay maglupang hinirang sa ganyang pagkakaayos ng bandila,” ang paliwanag ni Binoe.

Katwiran pa ng dating action star na kumakanditong senador para sa 2022 elections.

Patuloy pa niyang paglilinaw, “Yan po ang aking inspirasyon sa araw araw upang hindi ko po makalimutan na ako ay nasa gera laban sa kahirapan, korupsyon at kolonisasyon. 

“Pansarili ko lamang po ito. Pagdating sa mga publikong pagtitipon o proyektong pangpubliko Asul ang mando,” sabi pa ng tatay ni Kylie Padilla.

Narito ang ilan sa mga nabasa naming comments sa FB post ni Robin.

“Yan ka po idol kya never po kita kwestyunin harinawa palarin ka manalo upang ang mga tao wla.gnwa husgahan ka ay magsisi.”

“Naku! Hypothermic ka Robin! Ingat! Stay healthy!”

“Salam..brother…promise to do u job well ww will help u in that position inshallah.”

“God bless po. Sayang sa Gran Europa kami idol. Kung alam ko lang punta ka doon nag abang sana kami.”

“Grabe ang paghanga ko sa pagdarasal niya.. Lage kong bukam bibig “masha allah” sa tuwing nakikita siyang nag peperform ng salah.”

“Nung napaanood kopo ung blog ni ogie  Diaz na kau  ung interview nia doon ko po nlaman na napakabait niu po ska napakabuti may kwanggawa iboboto ko po tlga kau at nangunguna kau sa listahan ko sa pagka senador inshaallah mananalo po kau.”

https://bandera.inquirer.net/299007/robin-super-proud-kay-kylie-nakagawa-ako-ng-action-star-na-hindi-fake-totoong-nanggugulpi-at-tumatambling

https://bandera.inquirer.net/298805/kylie-naiyak-nang-tanungin-ni-robin-so-wala-ba-talagang-pag-asa