Out, out and very proud: Bagong Superman sa DC Comics bisexual

HOT topic ngayon sa social media ang pagiging bisexual at proud LGBTQIA+ member ng bagong Superman sa pinakabago nitong  adventures sa DC Comics.

Sumabay pa ang bonggang balitang ito sa selebrasyon ng National Coming Out Day kaya naman nagpiyesta ang mga supporters ng “Superman” nang maglabasan ang balita tungkol sa pinakasikat na iconic superhero sa buong universe.

Ayon sa ulat, bisexual ang bagong Superman na si Jon Kent, ang anak ng original Superman na si Clark Kent at ng journalist na si Lois Lane.

Naglabasan ang mga litrato ng pinakabagong Superman habang hinahalikan ang reporter na si Jay Nakamura na makikita sa issue five ng comic book na may titulong “Superman: Son of Kal-El.” Nakatakda itong i-release sa darating na Nov. 9.

Ipinagdiinan ng writer nitong si Tom Taylor sa isang panayam mula sa Melbourne, Australia (suot ang t-shirt na may rainbow-striped Superman logo) na hindi fake news ang pagiging bisexual ng superhero.

Aniya pa, “It’s not a gimmick. When I was offered this job, I thought, ‘Well, if we’re going to have a new Superman for the DC Universe, it feels like a missed opportunity to have another straight white savior.”

“We didn’t want this to be ‘DC Comics creates new queer Superman.’ We want this to be ‘Superman finds himself, becomes Superman and then comes out,’ and I think that’s a really important distinction there,” sabi pa ng writer.

Natuwa rin daw siya nang mabasa ang positive comments ng mga Superman fans, “I’m seeing tweets of people saying they burst into tears when they read the news, that they wished that Superman was this when they were growing up, that they could see themselves.

“People are saying for the first time ever they’re seeing themselves in Superman — something they never thought was possible,” paliwanag pa ni Tom Taylor sa nasabing panayam.

“The idea of replacing Clark Kent with another straight white savior felt like a missed opportunity,” aniya pa sabay sabing, “The new Superman had to have new fights, real world problems, that he could stand up to as one of the most powerful people in the world.”