Ely umaming ‘joke, joke, joke’ lang ang Eheads reunion: But I’m dead serious about our people’s future
Ely Buendia
NILINAW ng dating bokalista ng Eraserheads na si Ely Buendia na sinabi nga niyang “joke, joke, joke” lang ang reunion ng dati nilang banda pero hindi niya ginagawang biro ang magaganap na eleksyon sa 2022.
Paliwanag ng kilalang musician at OPM icon, kung nagawa man niyang magbiro at paasahin ang fans ng dati nilang grupo, “dead serious” naman siya pagdating sa usaping politika.
Naging national issue kasi ang ipinost niya sa Twitter last week na baka raw matupad ang hiling ng kanilang fans na muling magsama-sama sa isang concert ang Eraserheads kapag tumakbong pangulo si Vice-President Leni Robredo sa 2022 elections.
Ipinagdiinan ni Ely sa isa niyang tweet na talagang nais niyang maging presidente ng Pilipinas si Leni, “I may joke about frivolous things like an old band getting back together, but I’m dead serious about our people’s future. #LetLeniLead.”
Muli siyang nag-post sa Twitter ng mensahe hinggil sa magaganap na halalan next year, “I wish I had more time to chat with fans, some of whom I’m pretty sure don’t share my political views.
“But for a few mins we found a common ground and that is humanity.
“This is something we all share, and something that must resonate the most in a leader,” sabi pa ni Ely gamit ang hashtag #LetLeniLead2022.
Sa isang panayam, nauna nang nilinaw ng singer-songwriter na nagdyo-joke lang siya nang sabihing magre-reunion ang Eraserheads kapag tumakbong presidente ai VP Leni.
“That answer was far from a political post. I do respect and admire Leni. If I were to vote, she’s my top candidate right now. That tweet was a half serious joke maybe, but people made it into a big deal,” paglilinaw ni Ely.
Samantala, ibinalita naman ng dating lead guitarist ng Eheads na si Marcus Adoro na matutuloy din kahit paano ang “pagsasama-sama” uli ng banda sa December, at yan ay sa pamamagitan ng “oil canvass.”
“I would also like…to promote…the first solo exhibition of my paintings…this December (details TBA). The Eraserheads will be there…all throughout the duration of the exhibit, IN GLORIOUS OIL ON CANVAS(es). Pramis,” ang post ni Marcus sa Instagram.
Na-disband ang Eraserheads noong 2002 at taong 2016 nang nagkaroon sila ng mini-set. Fake news naman ang lumabas na balita noong 2018 na magpe-perform ang Eraserheads sa UAAP men’s basketball finals.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.