Ria Atayde nagsalita na sa tunay na relasyon nila ni Joshua Garcia: I’m super comfortable with him
Ria Atayde at Joshua Garcia
SINAGOT na ng Kapamilya actress at TV host na si Ria Atayde ang tsismis tungkol sa relasyon nila umano ng aktor na si Joshua Garcia.
Pinagtatawanan na lang daw nina Ria at Joshua ang mga chika na matagal na silang magdyowa at itinatago lang daw nila ang tunay na estado ng kanilang relasyon sa madlang pipol.
Kumalat ang tsismis tungkol sa dalawang Kapamilya stars nang maglabasan sa social media ang barkada photo nila kasama ang mga magdyowang sina Daniel Padilla at Kathryn Bernardo at Sofia Andres at Daniel Miranda.
Ipinagdiinan ni Ria na magkaibigan lang talaga sila ng aktor at walang “something” na namamagitan sa kanila ni Joshua.
“We laughed about it. It’s actually like something, ‘Uy rumored boyfriend halika rito.’ Like, I mean, we are friends,” pahayag ni Ria sa panayam ng “Pop Cinema” sa Cinema One channel.
Paliwanag pa ng dalaga, naging close sila ni Joshua mula noong makatrabaho ng binata ang nanay niyang si Sylvia Sanchez sa Kapamilya series na “The Greatest Love” noong 2016.
Sey pa ng aktres, “I am super super comfortable with him. Because nga he is my mom’s grandson in ‘The Greatest Love’ and because of that he actually celebrated Christmas with us that year and we’re close.
“Like we just don’t post about each other or anything. Pero ‘yun nga we’re close because of that,” chika pa ni Ria.
“Things got busy pero we always keep in touch throughout the years. Then kasi we are also working together on ‘Viral’ (bagong Kapamilya series) so you know lot of reasons to hang out.
“And he also just recently started playing golf with the boys of my friend group. Now he is part of it as well. So it’s really just that,” lahad pa ng dalaga.
Actually, hindi lang si Joshua ang na-link na aktor kay Ria kaya naman sanay na sanay na daw siya sa mg ganitong intriga at tsismis.
“You know I’ve been teased with Dominic Roque and Marco Gumabao. So I guess whoever is single naman nilalagay nila sa akin.
“Regardless kung sino, gets ko naman guys. Single nga, gets na gets,” natatawa pang sabi ng dalaga sa nasabing panayam.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.