SB19 humakot ng trophy sa Myx Music Awards 2021; Ben&Ben, Michael Pacquiao winner din
SB19 at Ben&Ben
CERTIFIED “Hakot Kings” na ngang matatawag ang P-Pop group na SB19 matapos manalo ng apat na tropeo sa Myx Music Awards 2021 na ginanap kagabi.
Ang award-winning boy group ang nakapag-uwi ng Artist of the Year award kung saan nakalaban nila ang Ben&Ben, sina Moira dela Torre, Nadine Lustre at ang girl group na MNL48.
Sila rin ang nakakuha ng Song of the Year trophy para sa kanta nilang “Alab”. At bukod nga rito, ang SB19 din ang nakasungkit ng Music Video of the Year para sa hit song nilang “Alab”.
At bago pa tuluyang magtapos ang virtual awards night, sila rin ang nakapag-uwi ng Kumu Audience Choice.
Pahayag ng SB19 member na si Josh, “Big deal ito. Isa ito sa pinapangarap naming award na matanggap before. At alam po namin yung ibang nominated ay super effort din ang ginagawa para sa music nila.”
“Hindi po namin ito magagawa ng kami lang. Nandyan po yung mga sumusuporta sa amin, mga fans, A’Tin, syempre,” aniya pa.
Dalawang award naman ang napanalunan ng Ben&Ben, ang Mellow Video of the Year para sa “Sa Susunod Na Habang Buhay” at Collaboration of the Year para naman sa “Paalam” kasama si Moira.
Ang anak naman ni Sen. Manny Pacquiao na si Michael Pacquiao ang nakasungkit ng R&B/Hip-Hop Video of the Year para sa kanta niyang “Love”.
Nag-perform sa virtual Myx Music Awards ang mga local and foreign acts kabilang na sina Ebe Dancel, Inigo Pascual, Leanne & Naara, Maris Racal, Nameless Kids, Zild, LANY, Pink Sweat$ at Lukas Graham.
Narito ang kumpletong listahan ng mga winners:
Artist of the Year: SB19
Song of the Year: “Alab” – SB19
Music Video of the Year: “Alab” — SB19
New Artist of the Year: Matthaios
Rock Video of the Year: “Lakas” – COLN ft. Dale Jairus
R&B/Hip-Hop Video of the Year: “Love” – Michael Pacquiao
Mellow Video of the Year: “Sa Susunod Na Habang Buhay” – Ben&Ben
Collaboration of the Year: “Paalam” – Moira Dela Torre and Ben&Ben
International Video of the Year: “Dynamite” – BTS
Kumu Streamer of the Year: Jex de Castro
Special Awards:
MYX Magna Award — Asin
Global achievement Award — Olivia Rodrigo
Kumu Audience Choice — SB19
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.