Kris may tinapos na relasyon; humiling ng ‘tatay’ para sa 2 anak

SI Herbert Bautista nga ba ang tinutukoy ni Kris Aquino sa napakalalim niyang hugot tungkol sa pagtatapos ng isang bahagi ng kanyang buhay.

Mahabang caption ang inilagay ng Queen of All Media sa ipinost niyang litrato ng mga bulaklak sa kanyang Instagram account kung saan nabanggit nga niya ang katapusan ng “relasyon” niya sa isang taong  naging malapit at mahalaga sa kanya.

Aniya sa simulang bahagi ng kanyang mensahe, “Like roses that take time to bloom, my health also needs TIME… ayaw kong mapahiya sa inyo… there were too many stops & starts; maybe God was really preparing me for this… so until September weekly updates lang tayo.

“My family (meaning my siblings) and i know now how to love & support each other in the way that each one needs… our mom would remark how could she have given birth to 5 kids w/ such different personalities?

“It was this year that we realized ‘kanya kanya talaga’ and that part of loving each other is respecting individual choices yet being there when you’re needed & wanted but knowing our boundaries.”

Kasunod nito, sinabi nga ni Kris na may isang parte ng kanyang buhay ang natapos na, “Gusto kong mag kwento sa inyo ng pagtatapos ng isang mahabang bahagi ng buhay ko, pero nagbabago nga ang mga tao … that’s our story, not mine alone. So the parts I can share come from only what I personally said & did.”

Kuwento pa ng TV host, talagang nag-effort pa siya na bisitahin sa lock-in taping nitong nagdaang Mayo ang tinutukoy niyang personalidad para personal na ibigay ang kanyang birthday gift.

“Hinabol ko to arrive bago mag midnight 1 night in May. EFFORT kasi 4 hours each way para lang makita ko sya for a total of 15 minutes (lock-in sila for work but nag PCR ako to be sure) … sa entrance lang nagkita, hindi sa loob.

“I simply wanted to personally greet him happy birthday, give him my gift and my letter. Sinuklian ko lang because nag effort din siya nung birthday ko to personally give his gift that was meaningful,” aniya pa.

Pagpapatuloy pa ni Kris, “Pero nu’ng May, that was our THE END. Siguro ang pinaka safe na pwede kong i-quote from my birthday letter was I said: I wish him REAL happiness because we both deserve our versions of ME AFTER YOU.

“After 7 years, we did become the best of friends & I know even that part is now over,” dagdag pa niyang sabi.

Sa huli, ibinigay niya ang dahilan kung bakit kailangan niyang ibahagi ang kuwentong ito sa kanyang mga followers, “Nagsalita na ‘ko because I still have 4 years, for Bimb to experience ‘normal’…

“All he’s seen & known are dysfunctional relationships and I don’t want him to become an adult without me trying to move forward and God willing, giving my sons a chance to have the stepfather they deserve. Because I know, I’m not enough,” katwiran pa ni Tetay.

Inisa-isa rin niya ang mga qualities na hinahanap niya ngayon sa isang lalaking maaari niyang makarelasyon at makasama sa buhay.

“He doesn’t have to be rich or famous, better nga kung hindi siya public figure… basta tama ang values, madasalin, may integridad, matalino, at masipag, answered prayer na sya.

“I’ve achieved all my dreams, it’s now my turn to focus on what really matters – trying for my sons to get the father figure they never had,” chika pa ng aktres at TV host.

Maraming netizens ang nagkomento na posibleng si Herbert ang tinutukoy ni Kris sa kanyang post. Nag-celebrate kasi ang dating mayor ng Quezon City ng kanyang 53rd birthday last May 12.Kayo dear BANDERA readers, sa tingin n’yo si Bistek nga ba ang taong nasa hugot post ni Kris?