Showbiz industry nagluluksa sa pagpanaw ni Nestor Torre; Rita Daniela, FDCP may pa-tribute

NGAYONG araw nakatakdang i-cremate ang labi ng veteran writer-director at Philippine Daily Inquirer columnist na si Nestor Torre.

Ang cremation ay magaganap ngayong hapon, 5 p.m., sa Arlington Memorial Chapels sa Quezon City na susundan ng isang misa. Wala pang detalye kung kailan ilalagak ang kanyang urn sa Sta. Ana Church columbarium kung saan nakalibing din ang kanyang inang si Gng. Isabel.

Nagluluksa ngayon ang buong entertainment industry sa pagpanaw ng editor, writer at direktor sa edad na 78. Binawian siya buhay kahapon sa edad na 78 dahil sa komplikasyong sanhi ng COVID-19.

Bumuhos sa social media ang mensahe ng pakikiramay sa pagpanaw ni Nestor Torre, kabilang na riyan ang pagbibigay ng tribute sa kanya ng mga kaibigang celebrities na nakatrabaho niya bilang direktor sa teatro at pelikula.

Ayon sa malapit na kaibigan ng direktor na si Boots Anson Rodrigo, “Tita Isabel’s death was a big blow to Nestor. That may have also precipitated the deterioration of his health.

“He was an admired mentor, adviser, colleague, friend and loving son to his mother, and a decent man who nurtured professional and personal integrity to the end,” pahayag ng veteran actress sa panayam ng ABS-CBN.

Marami pang celebrities ang nagpaalam at nagpahayag ng pagmamahal kay Nestor Torre, kabilang na ang Kapuso actress na si Rita Daniela na umaming nabigla rin nang malaman ang malungkot na balita.

Inalala ng dalaga ang magagandang isinulat sa kanya ng veteran journalist noong mag-join siya sa QTV singing competition na “Popstar Kids” taong 2005.

Mensahe ni Rita, “Sir Nestor Torre, maraming salamat po. Isa sa mga respetadong journalists na sumulat sa akin ng write ups noong bata ako at nagsisimula sa industriya.

“Classic, guguntingin ang section, ididikit sa bond paper at itatago. Salamat po sa tiwala and may you rest in peace,” pagbibigay-pugay ng singer-actress.

Sa pamamagitan naman ng Facebook, nagpasalamat ang pamangkin ni Nestor na si Kat Angeli Torre sa lahat ng nakiramay at nagpahayag ng pagmamahal at nagdasal para sa kanyang tiyuhin.

“He was always larger than life and we feel his absence terribly. We thank you for all of the love and support you’ve shown Tito and our family over the years,” pahayag ni Kat.

Nakilala si Nestor Torre sa kanyang entertainment column sa Philippine Daily Inquirer na may titulong “Viewfinder” at naging editor din siya sa PDI. Napakalaki ng naiwan niyang legacy sa entertainment journalism at stage musicals.

Bukod nga sa pagiging manunulat, nakapagdirek din siya ng pelikula noong 1970s kabilang na riyan ang pinagbidahan ni Hilda Koronel na “Crush ko si Sir” at ang “King Khayam and I” nina Joseph Estrada at Vilma Santos.

Ilan naman sa mga nagmarkang stage musical na kanyang naisulat ay ang “Magnificat,” “Birhen ng Caysasay,” ang life story ni Pope John Paul II life story at ang Padre Pio bio series. He also directed musicals like “Katy” and “Chinoy.”

Samantala, nagpaabot din ang Film Development Council of the Philippines (FDCP), sa pangunguna ni Chairperson Liza Dino, ng pakikiramay sa mga naulila ng veteran entertainment writer.

“The Film Development Council of the Philippines mourns the passing of industry veteran Mr. Nestor U. Torre, Jr. on April 6 at the age of 78.

“He was one of the highly respected columnists in the country for his extensive knowledge and experience in the entertainment industry.

“He also left behind his filmography with directing, writing, and acting credits under his name. Some of the films he directed are the ’70s classics “Crush Ko Si Sir” and “Ang Isinilang Ko Ba’y Kasalanan?”

“His remarkable contributions to the entertainment industry will always be remembered.

“The FDCP extends its condolences to the family and loved ones of Mr. Torre.”