Sophie Albert isinilang na ang ‘baby princess’ nila ni Vin Abrenica

ISINILANG na ng Kapuso actress na si Sophie Albert ang panganay na anak nila ni Vin Abrenica.

Ngayong araw, March 15, nanganak si Sophie sa isang hospital na hindi pa binabanggit ng celebrity couple sa kanilang social media accounts.

Sa kanilang Instagram account, ipinost nina Sophie at Vin ang magkaparehong litrato kung saan makikita ang kamay ng kanilang baby girl.

Tanging “03.15.21” ang inilagay na caption ng aktres sa kanyang IG post na tumutukoy sa birthdate ng sanggol.

Ngunit bago nga siya manganak, nagbahagi muna si Sophie ng isang maikling video clip sa Instagram Story kung saan makikitang nasa loob sila ni Vin ng sasakayan at sinabing, “This is it, we’re off to the hospital.”

Sa IG Story naman ni Vin makikita rin ang litrato ng kamay ng panganay na anak na may caption na, “Our little princess.”

Kamakailan lang ay ibinandera ng dalawa ang kanilang engagement kasunod ng announcement na magkaka-baby na rin sila.

In fairness, dalawang gender reveal party pa ang ginawa ng engaged couple para ibandera na baby girl ang magiging panganay nila — ang isa ay para sa pamilya ni Vin at ang sumunod naman ay para sa family ni Sophie bilang bahagi na rin ng pag-iingat nila kontra COVID-19.

Samantala, bago pa manganak si Sophie ay nagbigay na ng mensahe si Vin para sa kanya, “I’m super thankful for you kasi right now, you’re carrying our child and you’re going through all the changes in your body.

“Especially before ka naging pregnant, we were at our peak, eh. Nasa peak tayo, like our fitness, super thin, kundisyon tayo, and you’re willing to sacrifice lahat ng changes na mangyayari sa ‘yo. Even for your career kasi maho-hold kasi you got pregnant.

“I’m thankful for that na this woman is strong, and hindi ko ma-imagine if that happens to me, nakikita ko sa iyo na even when you’re sleeping, you snore now. I see that also as a change in you, na you’re going through that, building our child. So ‘yun sa akin. Super thank you,” pahayag ng hunk actor.

Ito naman ang mensahe ni Sophie para kay Vin, “Me naman, I’m most thankful about Vin. I always wanted somebody who I could depend on and Vin is really the one person that I could really depend on for anything.

“He wants to be involved. He wants to be part of my everything. I know it’s not the easiest thing to find somebody who’s like a perfect match with you.

“Pareho kami ng trip, pareho kami ng mga gusto. Like even now, doing YouTube, I don’t have to do it alone, I’m with him,” pahayag pa ng aktres.

“So parang everything, I don’t ever feel like I have to face everything alone. It gives me a lot of strength and a lot of confidence and I feel like who I am becoming now is really because of my relationship with you,” dagdag pa niya.