Sophie nanganak na sa 2nd baby nila ni Vin: ‘Family of 4 is complete!’
PHOTO: Instagram/@itssophiealbert
DALAWA na ang anak ng celebrity couple na sina Vin Abrenica at Sophie Albert.
Ito ay matapos manganak si Sophie kamakailan lang sa second baby nila ng mister at ang ibinigay nilang pangalan ay “Amara Kristina.”
Ang masayang balita ay ibinandera mismo ng celebrity mom sa kanyang Instagram page noong Miyerkules, November 13.
“First days with our sweet girl, Amara Kristina,” caption ni Sophie kalakip ang bonding moments nilang pamilya sa bagong baby.
Aniya pa, “Our hearts are overflowing. [Our] family of [four] is complete.”
Baka Bet Mo: Vin kay Sophie: Naka-short shorts, nakataas ‘yung legs na parang, ‘Uy, nakikitaan ka na ng kaluluwa!’
View this post on Instagram
Nag-post din ang aktres sa kanyang Instagram Stories na ipinapakita ang dalawang anak at nag-open up patungkol sa kanyang breastfeeding journey.
“From the major heartache and trauma of not being able to produce milk for Avianna when she was a baby to now nursing Amara and having a bit of extra to store,” wika niya.
Mensahe pa ng celebrity mom, “Tears of gratitude. Thank you, Lord!”
PHOTO: Instagram Stories/@itssophiealbert
Magugunita na ang ikalawang pagdadalang-tao ni Sophie ay ibinandera noong Hulyo lamang.
Kung matatandaan, ilang taon ding naging magdyowa ang couple bago magkaroon ng panganay na isinilang noong 2021.
Dalawang beses ikinasal sino Sophie at Vin noong 2023.
Pansamantalang nagpahinga sa showbiz si Sophie upang mag-focus muna sa kanyang pamilya.
“We savor this time and not feel guilty about not being able to accomplish anything or whatever career-wise, personal-wise,” sambit niya sa dating socmed post.
Patuloy niya, “I know I’m gonna regret it if I don’t immerse myself or go fully into my motherhood journey, because it’s only gonna be a short while.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.