Kylie Padilla may hugot sa pagiging ‘single’, hiwalay na sa non-showbiz BF?

PHOTO: Instagram/@kylienicolepadilla

SINGLE na ba ulit ang aktres na si Kylie Padilla?

‘Yan ang tanong ng marami matapos ang magkakasunod na cryptic posts ng celebrity mom na mababasa sa Threads.

Nagsimula ang usap-usapang hiwalay na siya sa non-showbiz boyfriend nang ihayag niya sa isang post kung bakit siya nagtatagal sa isang relasyon.

“I swear I’m not naive but I want my relationships to last forever, which is probably why I stay longer than I should,” bungad niya.

Aniya pa, “I just don’t want to accept failure. But never force something that has passed expiry date.

Baka Bet Mo: Family reunion big deal kay Kylie Padilla: I’m scared of dying!

 

View on Threads

 

Agaw-pansin naman sa comment section ang naging challenge sa kanya ng isang netizen na ang sabi ay kung talagang wala nang jowa ang aktres ngayon ay subukan niyang manatiling single sa isang taon.

“Might be impossible for the aquarius woman like you na walang karelasyon for that long, but it’s better to focus more on your kids and career muna sa 2025 than finding or having a love life. Try to have a strong goal like winning an acting award this year? Why not, ‘dba? I understand your physical needs, but don’t be in a relationship because of it,” paliwanag pa ng nagkomento.

Ang tanging reply naman sa kanya ni Kylie: “Exactly the goal [fire emoji]”

Bukod diyan, may mga posts pa si Kylie patungkol sa pagiging single at isa na riyan ang: “A lot of women are single because they elevated their standards. Can’t blame them for that.”

At may hiwalay pang post na: “Cut it before any ties form. You know yourself, so be smarter.”

May ganito rin siyang hugot: “It’s ok not to know all the answers at once. Time and trust will tell.”

January last year nang sinagot ni Kylie kung sino ‘yung nagva-viral na “mystery guy” na nakakasama niya.

Ayon sa kanya, ito ‘yung taong nagpapasaya ng kanyang puso.

Ang kanyang pag-amin ay nangyari sa TikTok post ng celebrity fitness coach na si Francis Simon.

Hindi na idinetalye ni Kylie ang identity ng kanyang special someone, pero marami ang naniniwala na ito ang tattoo artist na si Jinno John Simon, na kapatid ni Francis.

Kung maaalala, January 2023 nang unang umugong ang chika na may bago nang karelasyon ang aktres nang magbahagi ito ng mga larawan na may kasamang guy habang nagbabakasyon sa Thailand.

At pagkatapos niyan ay ilang beses na silang spotted sa ilang lugar, kabilang na ang pamamasyal nila sa mall.

Ang huling public relationship ni Kylie ay ang dating mister na si Aljur Abrenica na ngayon ay currently in a relationship with AJ Raval.

Ang dating mag-asawa ay mayroong dalawang anak na sina Alas at Axl.