Pati engagement ring nina Luis at Jessy iniintriga; jewelry maker nagreklamo

PATI pala ang engagement ring na ibinigay ni Luis Manzano kay Jessy Mendiola ay may issue ngayon.

Matapos kasing ibandera ng celebrity couple na engaged na sila at nakatakda nang magpakasal, isang local jewelry maker ang nagreklamo dahil hindi raw sila binigyan ng credit sa suot na singsing ni Jessy.

Hindi man lang daw kasi na-mention nina Luis at Jessy ang “original creators” ng kanilang engagement ring na pinagpipiyestahan ngayon sa social media at mga news and entertainment websites.

Ayon sa Radiant Jewelry, kailangan daw nilang ipaalam sa publiko ang katotohanan matapos nga nilang mabalitaan na ang binabanggit nina Jessy at Luis na gumawa ng singsing ay ang Manila Diamond Studio, kung saan endorser ang aktres.

“It is unfortunate that a company would insinuate a work for something they did not do,” bahagi ng statement na naka-post sa Instagram page ng Radiant Jewelry.

“We are the original creators of the engagement ring of Jessy Mendiola and Luis Manzano.

“In our opinion, taking credit for something they did not do is detrimental to the industry that have ring makers who put their heart and soul to their pieces. Such a post or announcement is very misleading and unethical,” sabi pa ng jewelry maker.

Nagpaliwanag naman si Luis tungkol dito, ” While Radiant did help us procure the main stone, but we had a completely different setting, add-ons, and design made through Manila Diamond Studio.

“So, the the final design on Jessy’s finger was from her own design and Manila Diamond Studio, not the one made by Radiant,” ani Luis kasabay ng pangakong ibabahagi nila ang lahat ng tungkol sa maganap na wedding proposal sa pamamagitan ng isang vlog.

Sa kabila ng paliwanag ng TV host, marami pa rin ang nagsabi na dapat lang na bigyan din nina Luis at Jessy ng credit ang “original creators” ng kanilang engagement ring.

Isa sa mga nag-comment sa post ng Radiant ay ang aktres na si Ashley Rivera na matapang na nagsabing, “Sobrang foul.”