TikTok video nina Winwyn at Mahal naka-5M views sa loob lang ng 1 araw; Ken sumabak sa gun training
BENTANG-BENTA sa netizens ang nakakaaliw na #ThaiDanceChallenge ni Winwyn Marquez sa TikTok kasama sina Mahal at Jackielou Blanco.
In fairness, wala pang isang araw ay nakakuha na agad ito ng five million views na talagang ikinagulat at ikinatuwa ng cast members ng upcoming Kapuso series na “Owe My Love”.
Sa huling silip namin sa video, may mahigit 6 million views na ang nasabing #ThaiDanceChallenge na ayon kay Winwyn ay si Mahal daw talaga ang nagdala.
Pabirong hirit pa ng beauty queen-actress sa kanyang Instagram story, “Si ate Mahal lang talaga ang malakas! Back up lang kaming 2 ni tita @jackielou.blanco.”
Ang “Owe My Love” ang upcoming GMA Public Affairs romantic-comedy series na ipapalabas sa Kapuso Network.
Kitang-kita sa kanilang video na super enjoy sina Winwyn habang naka-break sa ongoing lock-in taping para sa nasabing show na pagbibidahan naman nina Lovi Poe at Benjamin Alves.
Sa nasabing TV series, gaganap si Winwyn bilang si Trixie Gibbs na ka-love triangle ng karakter nina Lovi at Ben na sina Sensen at Doc Migs.
Si Jackielou naman ay ang step mom ni Doc Migs na si Divina Alcancia habang ang kanyang small but terrible sidekick na si Mini Divi ay gagampanan naman ni Mahal.
* * *
Kakaiba at challenging ang karakter na ipakikita ni Ken Chan para sa upcoming Kapuso series na “Ang Dalawang Ikaw.”
Kamakailan ay sumabak si Ken sa firearm training bilang paghahanda sa kanyang karakter sa serye na si Nelson.
Si Nelson ay may dissociative identity disorder o DID kaya wala siyang malay na nakakabuo siya ng alternate personalities at isa riyan si Tyler, isang gun dealer/smuggler.
Extrovert si Tyler na malayung-malayo sa totoong personalidad ni Nelson.
Magkakaroon din si Tyler ng girlfriend sa katauhan ni Beatrice, na gagampanan ni Anna Vicente, kahit pa may asawa na si Nelson, si Mia, na gagampanan naman ni Rita Daniela.
Makakasama rin nila sa bagong Kapuso drama na ito sina Dominic Roco, Jake Vargas, Joana Marie Tan at Jeremy Sabido.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.