Pauleen nabibilisan sa paglaki ni Tali, 3 taon na agad: Hay, life is happening…

Turning 3 years old na ang anak nina Bossing at Poleng sa darating na Nov. 6 at sa latest Instagram post nga ng aktres ay medyo emosyonal ang kanyang hugot.

Ayon sa “Eat Bulaga” Dabarkads, parang kailan lang nu’ng ipanganak ang panganay nila ni Bossing Vic pero ngayon ay ang dami na nitong paandar.

Ipinost ni Poleng ang litrato nila ni Tali kalakip ang madamdaming mensaheng ito: “As you turn 3 years old in exactly 4 days, I can’t help but be emotional as I realize that you’re really getting so big and growing up now.”

Dagdag pang pahayag ng proud mommy, “In just a span of a few weeks, she suddenly has her own decisions already, like where to sleep, who to sleep with, what to eat, etc.”

“Bakit ang bilis ng panahon? It was just like yesterday where I can bring you anywhere, and you will just say yes to everything I tell you to do.

“Hay. Life is happening,” sabi pa ng aktres kasabay ng kanyang dasal na sana’y lumaki ang bagets na mabuting tao, “To be a kind, giving, understanding, and humble person.”

“I will always be here, my love. Always, and forever, your mommy I’ll be,” sabi pa ni Pauleen.

Comment naman ng kasamahan niya sa “Eat Bulaga” na si Ryan Agoncillo, i-enjoy at i-cherish lang ang mga panahong kasama ang anak para marami siyang maaaring balikang memories kapag nagdalaga na si Tali.

Isa si Pauleen sa mga celebrity mom na talagang pumapatol sa mga bashers ng kanyang anak, hindi niya pinalalampas ang hate message ng mga ito laban sa anak.

Matatandaang binalaan noon ni Pauleen ang isang basher na nanglait kay Tali na idedemanda niya ito, “I would just like to let you know that i can sue you for shaming and cyberbullying a minor.”

Sa huli, nag-sorry ang hater kina Pauleen at Bossing.