Solenn biglang umiyak sa Zoomustahan: OMG! Ang weird, sorry guys!

BUMIGAY ang emosyon ng TV host-actress na si Solenn Heussaff at tuluyang napaiyak habang kausap ang mga kapwa Kapuso stars.

Sa naganap na Zoomustahan kasama ang mga miyembro ng Kapuso Brigade, hindi napigilan ni Solenn ang maluha nang ikuwento ang kanyang quarantine experience at ngayong balik-trabaho na uli siya.

Makalipas nga ang halos walong buwang pagka-lockdown sa bahay, muling nakalabas ng bahay si Solenn para sa programa niyang “Taste Buddies” kasama ang Kapuso hunk na si Gil Cuerva.

“I’m starting to feel normal again as a person and, siyempre, pagbalik ng work after almost one year na walang trabaho on showbiz.

“I’m starting to feel life is getting a little bit more normal, so masaya talaga ako,” pahayag ng aktres sa nasabing panayam.

Dagdag pa niyang chika, “I hope you guys will see it na masaya at maganda ‘yung show kahit kailangan naming mag-adapt sa new normal.”

Mensahe naman niya sa lahat ng mga Pinoy na patuloy na naghihirap at nagsasakripisyo ngayong panahon ng pandemya, “I hope that everyone is staying safe at home. I’m praying for all of us that this too shall pass very soon.”

“For now, we just have to cooperate and become creative. Again, you just need to keep inspiring yourself.

“Kahit mahirap ‘yung mga araw minsan kailangan talaga na pinu-push ‘yung mga sarili n’yo para maghanap ng bagong activity or new learnings because you can do so much with this time, if you just take it into perspective,” aniya pa.

At dito sa puntong ito tumulo na ang luha ni Solenn, “Ako, I learned so much this 2020. Kahit mahirap sobrang happy. So yes. Oh my gosh! Ang weird, sorry guys. As you can see, mahirap.

“Kasi ako, dahil maraming nangyari, and meron akong projects. I did a breastfeeding line recently, and there is something that I am launching soon next year sa January. Sana it all falls into place,” sabi pa ng TV host-actress.