Namatay sa COVID-19 sa buong mundo halos 1.11 milyon na

Tinitingnan ng mga healthcare workers na nakasuot ng protective suits ang isang pasyente na may Covid-19 sa ICU ng  Ramon y Cajal Hospital sa Madrid. (AFP)

Halos 1.11 milyon na ang bilang ng mga nasawing COVID-19 patient sa buong mundo.

Batay sa huling tala, umakyat na sa kabuuang 1,109,130 ang nasawi sa iba’t ibang bansa bunsod ng nakakahawang sakit.

Nangunguna pa rin sa may pinakamaraming naitalang nasawi dahil sa COVID-19 ang Estados Unidos na may 223,644.

Sumunod na rito ang Brazil na may 153,229 na pumanaw bunsod ng pandemiya.

Nasa 113,032 naman ang death toll sa India habang 85,704 ang napaulat na nasawi sa Mexico.

Narito naman ang naitalang COVID-19 death toll sa iba pang bansa at teritoryo:
– United Kingdom – 43,429
– Italy – 36,427
– Spain – 33,775
– Peru – 33,648
– France – 33,303
– Iran – 29,870
– Colombia – 28,616
– Argentina – 25,723
– Russia – 23,723

Samantala, lumabas din sa pinakahuling datos na umakyat na sa kabuuang 39,584,854 ang tinamaan ng nakakahawang sakit sa iba’t ibang bansa.

Nasa 29,655,601 naman ang total recoveries ng COVID-19 pandemic sa buong mundo.