Bong Revilla, isinugod sa ospital: ‘Please pray for me’
Groupie na kinuha sa opisina ni Senador Bong Revilla sa Senado para sa unang araw ng session ng Mataas na Kapulungan noong Hulyo 27.
Isinugod sa ospital si Senator Ramon “Bong” Revilla Jr. ngayong Martes matapos na ito ay mag-develop na ng pneumonia, ayon sa kanyang asawang si Bacoor Mayor Lani Mercado.
“Father God please help my husband,” ayon sa post ni Mercado sa Facebook. “He is being rushed to the hospital.”
Si Revilla ay nagpositibo sa coronavirus sa testing na isinagawa dalawang linggo na ang nakararaan.
Sinabi ni Mercado na nakita sa X-ray ng senador na naka-develop na ito ng pneumonia at ang isolation sa regular na pasilidad ay hindi na oobra. “Hospital care badly needed. Father we lift him up to you,” wika ni Mercado.Matapos mag-post ni Mercado, nanawagan naman ng panalangin sa Facebook Live si Revilla.
“Magandang araw po,” wika ni Revilla.
“Okay, laban…[Ang] hirap,” wika pa nito habang inaatake ng matinding ubo.
“Please pray for me. Please,” pagtatapos ng senador.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.