Maria Ozawa ipinagtanggol ni Jose Sarasola sa mga nega: Japanese na may pusong Pinoy

SO far, mukhang keri naman ng magdyowang sina Chef Jose Sarasola at Maria Ozawa ang LDR o long distance relationship.

Ilang buwan na ring hindi nagkikita at nagkakasama nang personal ang dalawa dulot na rin ng COVID-19 pandemic.

Sa panayam kay Jose ng “Mars Pa More” recently, umalis daw ng Pilipinas ang Japanese actress last March at umuwi ng Japan para makasama ang kanyang pamilya.

At mula nga noon ay LDR muna sila pero palagi naman daw silang nagbi-video call, “Communication is key talaga and with the apps now it’s helping.”

Nilinaw din ng celebrity chef na napapanood na rin sa “Unang Hirit” ngayon with his own yummy recipes, ang chika na isnabera ang kanyang girlfriend. Aniya, mabait at sweet si Maria.

“At the end of the day, she’s just a normal girl. She’s super down-to-earth. She’s super nice. And she’s just an outgoing person and really fun to be with,” sey ng hunky chef.

Kuwento pa ng binata, kahit Japanese si Maria mahilig din itong magluto ng Filipino dishes tulad ng monggo, tinola at sinigang.

“It’s also fun being in a relationship with someone na nag-eenjoy din sa pagluluto,” sey pa ni Chef Jose.

Samantala, in-explain din ni Jose ang isang litrato niya na kumalat sa social media kung saan nagluluto siya na apron lang daw ang suot niya.

“That picture was just a fun shoot basically. We were just trying different outfits and then the director finally said, ‘Why don’t you try this na apron lang,’ so ayon, ‘yon ang ending,” tugon ni Jose.

Pero sa lahat ng nagtatanong kung talagang wala siyang suot sa photo, “Actually may pants ‘yan.”