Jak walang itinatago kay Barbie: Naka-track phone ko sa kanya…hindi dapat magselos
KAHIT saan magpunta ang Pambansang Abs na si Jak Roberto ay siguradong malalaman at malalaman yan ni Barbie Forteza.
Isa sa mga sikreto ng maayos na relasyon at mas tumitindi pang pagmamahalan nina Jak at Barbie ay ang open communication.
Mas tumatag pa raw ang pundasyon ng kanilang relasyon nang dahil sa community quarantine dulot ng COVID-19 pandemic.
“‘Yun for me talaga, ‘yung communication tsaka ‘yung trust. Buti na lang’ yung personality ni Barbie hindi talaga ‘yung sobrang selosa. Wala rin naman siyang pagseselosan,” ani Jak sa panayam ng GMA.
Hirit pa ng Kapuso hunk actor, “Para talaga ma-full trust siya sa akin, ibinigay ko talaga ‘yung tracking sa phone ko para alam niya kung nasaan ako.
“Alam niya kung anong ginagawa ko, hindi ko na kailangang mag-text. Naka-track ako sa kanya.”
Wala naman saw silang trust issues ni Barbie, “Ako na ang nag-insist. Sabi ko, i-track mo na lang ako para hindi mo na ako hahanapin. Wala naman siya dapat ipagselos din. Confident naman po ako.”
Mahigit tatlong buwan ding hindi nagkita ang magdyowa mula nang ipatupad ang ECQ sa Metro Manila, “Ito ‘yung longest talaga na mas malala pa sa nag-abroad. Kasi ito magkasama lang, as in QC lang pero hindi kami makapagkita compared noon.”
“Pero okay lang naman, ganoon naman talaga, e. Kailangan natin sundin ‘yung mga safety measures para hindi tayo mag-spread ng virus. Para matapos na ‘to, kailangan lang natin mag-cooperate,” pahayag pa ng BF ni Barbie.
Dahil din sa lockdown, hindi nila nai-celebrate ang kanilang 3rd anniversary na magkasama, “Kasi nu’ng nag-third anniversary kami, dapat pupunta ko kanila para mag-prepare ng something.
“Pero ‘yun ‘yung time na in-announce na hindi pa GCQ (general community quarantine), MECQ (modified enhanced community quarantine) pa lang so bawal pa rin lumabas.
“Ang ginawa ko na lang, Zoom meeting ulit. Tinuruan ko siyang mag-steak noong time na ‘yun pero hindi na namin ginawang vlog,” sabi pa ni Jak sa nasabing interview.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.