Fire volunteer sugatan sa sunog, 20 bahay nasunog
Leifbilly Begas - Bandera June 26, 2020 - 01:36 PM
ISANG fire volunteer ang nasugatan sa sunog na tumupok sa tinatayang 20 bahay sa Quezon City kanina.
Kinilala ng Bureau of Fire ang nasugatan na si Welvin Aquino, 19, na nagtamo ng sugat sa kamay.
Nagsimula ang sunog alas-10:37 ng umaga sa no. 34 Pajo st., Quirino 2A, na pagmamay-ari ni Allan Gelira.
Nagsimula ang apoy sa ikalawang palapag ng bahay. Inaalam pa ang sanhi nito.
Umakyat sa ikalawang alarma ang sunog bago ito nakontrol at naapula ng mga bumbero alas-11:35 ng umaga.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.
What's trending