Alden, Ruby naintriga sa socmed dahil sa ‘kilala mo pa ba ako?’ comment

NAINTRIGA sina Ruby Rodriguez at Alden Richards. Inakala kasi ng mga netizens na may “something” sa dalawang Eat Bulaga Dabarkads.

Nag-ugat ito sa naging comment ni Ruby sa litratong ipinost ni Alden sa Instagram habang nasa loob siya ng sasakyan at palabas ng bahay para bumili ng supplies 

Komento ng TV host-comedienne, “Kilala mo pa ba ako?”

Kanya-kanyang interpretasyon ang mga fans and followers ni Alden sa tanong ni Ruby. 

May mga nagtanong kung masama ba ang loob ng komedyama sa Pambansang Bae o kung meron silang hindi pagkakaunawaan.

Isang netizen na may handle name na @zeeven ang nagtanong ng, “@rodriguezruby why, has he not wished you well during your hospitalization? Or has he not reached out to you?”

Agad naman itong sinagot ni Ruby at sinabing inside joke lang daw nila ito sa Eat Bulaga at hindi dapat lagyan ng malisya o issue.

“Hahahahaha! ano ba kayo, biruan namin lahat yun pagmatagal na di nagkikita. Ganyan lahat kami lalo na pag nag abroad. Meron pa do u still speak tagalog?”

Paliwanag pa ni Ruby, “Ganon lagi batian namin pag matagal na hindi nagkikita. Lalo na pag nagbakasyon.

“Si Joey nagpauso nun kilala mo pa ba kami/ako? Dont put a bad light. Magkatext kami! Natural lang namiss ko din sya. Ano ba.”