After 1 month & 9 days: Sylvia, Art pwede nang yakapin, halikan ang mga anak

SA wakas, nayakap at nahalikan na rin nina Sylvia Sanchez at Art Atayde ang kanilang mga anak makalipas ang ilang linggong quarantine dahil sa COVID-19.

Matagal ding tiniis ng mag-asawa na hindi lapitan at maka-bonding ang mga anak dahil nga kinailangan muna nilang siguraduhin na magaling na magaling na sila matapos tamaan ng killer virus.

Nag-post si Sylvia sa Facebook ng mga litrato nila ni Art kasama ang buong pamilya, kabilang na ang mahigpit na yakapan nila ng mga anak.

“Praise and thank you GOD. After 1 month & 9 days, we can now hug, kiss, play, and eat together wd our kids.

“Tandang tanda ko yong pakiramdam ko na di namin pwedeng malapitan, mayakap o mahalikan ang mga anak namin. Ang lungkot! Napakalungkot.

“Bilang isang ina, araw araw dinudurog puso ko pag naiisip ko na posible naming nahawa mga anak namin. Yan ang pinaka kinakatakutan ko habang nakikipaglaban kami mag asawa sa COVID, yan ang pinagdarasal ko araw  araw sa hospital bed ko na sana wag mangyari. 

“But today I am grateful to GOD that He heard and answered our prayers. My husband and I are now okay and reunited with our children. Finally, nayakap na namin mga anak namin kaninang lunch. Yahoooo!!! 

Ang sarap sarap ng pakiramdam!! Ang saya, saya!

“Thank you to our family, friends, ABSCBN family, Beautederm family, Sylvianians, Rialistic, Arjo’s angels, ArmaineLovers, team atayde and to all the fans and everyone who prayed for our recovery. 

“But most of all, thank you to all the frontliners that took care of us and to those who continue to fight for everyone. It was not an easy fight but we won because  of your unending prayers and love. And with the Grace and Love of GOD.

“Ngayon, haharapin namin ang buhay ulit nang magkakasama. At patuloy kong pinagdarasal na matapos na ang virus na to.  In JESUS name! #blessed #priceless #family #happiness #mygreatestloves

#healtheworldLORD #thankuLORD,” mahabang mensahe ng award-winning actress.

Samantala, isa siyempre sa masayang-masaya sa pangyayaring ito ay ang malapit na kaibigan at business partner ni Ibyang ay ang may-ari ng Beautederm na si Rhea Tan.

Ni-repost nito ang mga litrato nina Sylvia at nilagyan ng message na, “At nadurog puso ko sa post na to!!! Ate Jojo Campo Atayde sobrang ramdam ko fears mo nung nasa ospital ka. Grabe. 

“Thank you Lord , ung mga yakap na mahigpit, sobrang tulo luha ko, lalo na ung saya ni Xavi. we love  you Atayde Family.”