Kilalang celeb na lumipat ng TV Network hindi pinigilan: Wala siyang improvement

NAGKIBIT-BALIKAT lang ang kausap naming TV executive sa tanong namin kung bakit basta na lang nilang hinayaang umalis ang isang artista nila para lumipat sa ibang TV network.

At bukod dito ay hindi namin naringgang pinabalik siya pagkatapos ng pinirmahang kontrata kumpara sa ibang mga artist na umalis na.

“Pinayagan na namin kaysa matengga lang siya, baka mas kailangan siya roon (nilipatang network). Dito kasi walang project para sa kanya at saka hindi siya nag-e-evolve. Ang tagal na niyang gumagawa ng TV series, hindi naman napapansin.

“So, para hindi masayang ang talent niya, need namin siyang pakawalan, lalo na kung mas may nangangailangan sa kanya. Wala kaming problema sa kanya, mabait siya at masunurin, baka hindi lang siya umabot sa standards ng mga direktor na nakakatrabaho niya?” paliwanag ng TV executive.

Sabi pa sa amin, “Ang dami na niyang naging pelikula kasama mga magagaling na aktres at aktor, anong nangyari hindi naman siya nagsa-shine, sana mag-effort din siya sa acting.”

Abangan na lang natin kung anong magagawa sa kanya ng nilipatang network. Sumikat na kaya siya this time?