Dingdong lieutenant commander na sa Philippine Navy

DINGDONG DANTES AT MARIAN RIVERA

Isa si Dingdong Dantes sa mga Philippine Marine reservist na tumaas ang ranggo sa ginanap na “donning of rank ceremony” sa Philippine Navy Headquarters, Roxas Boulevard, Manila.

Isa nang ganap na Lieutenant Commander si Dingdong habang ang co-star naman niya sa seryeng Descendants of the Sun na si Rocco Nacino ay isa nang Petty Officer 3rd Class ng Philippine Navy.

Present sa nasabing ceremony si Philippine Navy flag-officer-in-command Vice Admiral Robert Empedrad na siyang nagkabit ng insignia kina Dingdong at Rocco.

Ayon kay Dingdong, since 2009 ay Marine reservist na siya, “Bukod sa achievement ay I think it’s really an honor kasi marami naman tayong paraan para magsilbi sa bayan and para sa ‘kin, bukod sa pagiging artista, ito ‘yung pinili ko.

“Mula noong 2006 noong nagpa-enlist ako sa Philippine Marines, marami na talaga akong natutunan sa public service and serving the youth. Maraming organizations ang natulungan.

“In fact, kaya nabuo ang Yes Pinoy noong ako’y naging reservist. It may require some time away from the family, away from other things, pero kapag committed ka sa ginagawa mo, magagawa mo talaga siya,” aniya pa.

Isa sa mga duties ni Dingdong bilang lieutenant commander ay ang mag-assist sa mga uniformed personnel during disaster relief operations.