Centeno, Amit umusad sa SEAG women’s 9-ball semifinals
SINIGURO nina Chezka Centeno at Rubilen Amit na makakabalik sila sa semifinals matapos manaig sa kanilang quarterfinals match sa 30th Southeast Asian Games women’s 9-ball singles Biyernes ng hapon sa Manila Hotel Tent.
Winalis ng defending champion na si Centeno si Angeline Ticoalu ng Indonesia, 7-0, habang dinaig ni Amit si Fathrah Masum ng Indonesia, 7-3.
Makakalaban nila sa semis na gaganapin Sabado ng hapon sina Vutthiphan Kongkaket ng Thailand at Jessica Tan Hui Ming ng Singapore.
Nakatakda ring sumabak sina Centeno at Amit sa 10-ball singles semifinals kontra mga katunggali mula Myanmar Biyernes ng gabi.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.