‘Desisyon ni Vice kung ubusin niya ang kayamanan para kay Ion Perez’

HINDI kayang bilhin ng pera ang kaligayahan. At may dagdag pa ‘yun. Hindi rin kayang tapatan ng kalansing ng pera ang peace of mind, masarap na tulog at gana sa pagkain.

Kaya nga maraming milyonaryong malungkot. Nasa kanila na ang lahat ng materyal na bagay sa mundo pero hungkag pa rin ang kanilang puso.

Mabubuhay na si Vice Ganda nang maraming dantaon nang hindi siya maghihirap, wala nang lugar ang pagkagutom kahit pa ilandaang taon siyang mabuhay, sobra-sobra pa sa sapat ang hawak-hawak na niyang kayamanan ngayon.

Natagpuan na niya ang kanyang kaligayahan. Ihinarap na niya sa mundo si Ion Perez, si Kuya Escort, ang dahilan kung bakit sa kabila ng stress at pagod sa maghapon at magdamag ay maganda ang bawat paggising niya.

Ang tingin ng iba ngayon kay Vice Ganda ay isang wallet na sumusuka sa dami ng laman. ‘Yun lang daw ang habol sa kanya ni Ion Perez, gagamitin lang daw siya ng binata.

Si Vice Ganda ang mayhawak ng kanyang damdamin, hindi niya maaaring lokohin ang kanyang sarili sa uri ng kaligayahang ibinibigay ngayon ni Ion sa kanyang buhay, kung paanong siya rin ang hari-reyna ng kanyang bulsa.

Maligayang-maligaya si Vice Ganda ngayon, si Ion Perez ang unang dahilan, kaya maubos man ang lahat-lahat ng meron siya ngayon ay nasa kanya ang desisyon.