Buto-buto ni DEREK bali-bali na, may ‘SUMPA’ kaya lapitin ng aksidente

Kamakailan ay nasulat namin dito sa BANDERA na nag-last taping day na ang Undercover, ANG  aksyon serye ni Derek Ramsay sa TV5 ayon sa source namin, pero kaagad itong itinuwid ng aktor.

Say ng aktor, “Hindi pa kami nag-last taping day, we still have tapings kasi na-extend kami.” “We were extended for another week, so instead of eight eight weeks, magiging nine weeks na siya.

That’s why we haven’t done taping yet,” paglilinaw ng aktor. Marami raw dapat abangan sa Undercover say ng aktor dahil marami pang mangyayari dahil nasa ikaapat na linggo pa lang ang serye.

Grabeng hirap daw ang inaabot ni Derek sa taping nila kaya nagkakasugat-sugat siya. Kamakailan ay naaksidente na naman siya at nahiwa ang daliri.

“Grabe, talagang napapaangat ako nu’ng tinuturukan ako (anesthesia) dito (pagitan ng daliri) kasi nerves talaga ang tinatamaan, gusto kong suntukin ‘yung doktor.”

“Tapos bago nila tahiin, binuka pa kasi baka raw may something sa loob, sabi ko, tahiin na at masakit. Tapos, ngayon, wala akong maramdaman, pero naigagalaw ko naman (daliri).

Pag after a month at wala pa akong naramdaman, ibalik ko ulit sa doktor, e, bubuksan na naman, ayoko na,” kuwento ni Derek.
Biro namin sa aktor tila wala ng buong buto sa katawan niya, “Oo nga, eh.

Actually, itong magkabilang tuhod ko, may mga plates (titanium) na, tapos heto sa braso ko (ipinakita ang tahi) may plates ding nilagay. Tapos heto naman (kanan), nilagyan na rin.

Even my nose (bridge) nabali rin ang buto ko, pero hindi ko ito pinaayos, gumaling lang ng kusa,” kuwento ni Derek.

( Photo credit to Google )